Вазорати корҳои хориҷии Ҷопон ба сафари Владимир Путин ба ҷазираҳои Курил вокуниш кард.
Президенти Русия Владимир Путин аз ҷазираи Итуруп, бузургтарин ҷазира дар гурӯҳи ҷанубии галаҷазираҳои Курил боздид кард. Навори сафари раҳбари ин давлат 13 август дар канали Telegram-и хадамоти матбуоти Кремл нашр шуд.
Вазорати корҳои хориҷии Ҷопон ба сафари Владимир Путин ба ҷазираҳои Курил вокуниш кард: “Имрӯз хабаре расид, ки президенти Русия Путин аз ҷазираи Итуруп боздид кардааст. Ҳудудҳои шимолӣ, аз ҷумла ҷазираи Итуруп қисми ҷудонашавандаи қаламрави Ҷопон мебошанд ва Ҷопон дар робита ба ин сафар эътирози шадиди худро баён мекунад”.
Ҷазираҳои Курили Ҷанубӣ пас аз Ҷанги дуюми ҷаҳонӣ Шӯрваӣ (СССР) ҳамроҳ карда шуданд. Дар соли 1956, СССР ва Ҷопон Эъломияи муштаракеро имзо карданд, ки интиқоли ҷазираҳои Шикотан ва Хабомайро ба Ҷопон пас аз бастани шартномаи сулҳ пешбинӣ мекунад. Дар солҳои баъдӣ, Ҷопон исрор кард, ки ҳар чаҳор ҷазира баргардонида шаванд, аз ин рӯ, шартномаи сулҳ ҳанӯз имзо нашудааст. Ҷониби Русия омодагии худро барои музокирот дар бораи шартномаи сулҳ дар асоси эъломияи соли 1956 эълон кард ва дар айни замон таъкид кард, ки соҳибихтиёрии Русия бар ҷазираҳои Курили Ҷанубӣ мавриди музокира нест.
