Дар доираи корҳои ободониву созандагӣ ба истиқболи 35-солагии Истиқлолияти давлатии Ҷумҳурии Тоҷикистон дар Ҷамоати деҳоти «Яккадеҳ»-и ноҳияи Ҷайҳун боз 1 ҳазору 500 метр роҳи дохили деҳа мумфарш ва азнавсозӣ карда шуд.
Дар маросими анҷоми корҳои роҳсозӣ раиси ноҳияи Ҷайҳун Ализод Азизулло ва вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии Ҷайҳун №33 Иброҳимзода Неъматулло иштирок намуданд.
Мумфаршкунии роҳи мазкур бо саҳми сокинони маҳал ва ҷалби техникаҳои роҳсозӣ амалӣ гардида, барои беҳтар намудани ҳаракати нақлиёт ва фароҳам овардани шароити мусоид барои сокинони деҳа заминаи хуб фароҳам меорад.
Сокинони маҳал бо истифода аз имкониятҳои мавҷуда дар корҳои ободонӣ саҳми худро гузошта, таъкид менамоянд, ки роҳҳои хубу обод яке аз омилҳои муҳими рушди деҳот ва беҳтар гардидани сатҳи зиндагии аҳолӣ ба шумор меравад.
Зимни боздид аз маҳал масъулон иброз доштанд, ки чунин иқдомҳои созанда дар ноҳияи Ҷайҳун идома ёфта, бо мақсади сазовор пешвоз гирифтани ҷашни 35-солагии Истиқлолияти давлатӣ корҳои бунёдкориву ободонӣ вусъат дода мешаванд.
Дар баробари навсозии роҳҳои дохили деҳа, дар ноҳия сохтмон ва ба истифода додани иншооти гуногуни иҷтимоиву хизматрасонӣ, маишӣ ва истеҳсолӣ низ идома дорад. Амалӣ гардидани чунин корҳои созандагӣ ба беҳтар шудани инфрасохтори маҳаллӣ, рушди деҳот ва фароҳам гардидани шароити мусоиди зиндагӣ барои аҳолӣ мусоидат мекунад.
Масъулони ноҳияи Ҷайҳун мегӯянд, ки дар доираи омодагӣ ба ҷашни 35-солагии Истиқлолияти давлатии Ҷумҳурии Тоҷикистон корҳои ободониву бунёдкорӣ дар тамоми ҷамоатҳои деҳот идома дошта, сокинон низ дар татбиқи ташаббусҳои созанда фаъолона саҳм мегузоранд.
Мумфарш гардидани боз 1,5 километр роҳи дохилии деҳаи «Яккадеҳ» намунаи ҳамкории сокинон, масъулини маҳаллӣ ва дигар ҷонибҳо дар самти беҳтарсозии инфрасохтори роҳ ба ҳисоб рафта, барои рушди минбаъдаи маҳал ва зиндагии шоистаи сокинон замина мегузорад.
Корҳои ободониву созандагӣ дар ноҳияи Ҷайҳун ҳамчун ҷузъи омодагӣ ба истиқболи шоистаи ҷашни 35-солагии Истиқлолияти давлатии Ҷумҳурии Тоҷикистон идома хоҳанд ёфт.
