Панҷ ҳазор сарбози амрикоӣ аз Олмон берун мешаванд

Вазири мудофиаи ИМА Иит Хегст фармон дод, ки 5 ҳазор сарбози амрикоӣ аз Олмон хориҷ карда шаванд. Пентагон изҳор дошт, ки қарор пас аз баррасии ҳамаҷониба қабул шудааст ва раванди хуруҷи нерӯҳо дар давоми шаш то 12 моҳ ба анҷом мерасад.
Президенти Амрико Доналд Трамп гуфт, ки маъмурияти ӯ чунин иқдомро баррасӣ мекунад.
Вай канслери Олмон Фридрих Мертс ва дигар иттифоқчиёнашро аз НАТО барои он танқид кард, ки онҳо барои кӯмак дар кушодани гулӯгоҳии Ҳурмуз нерӯ нафиристоданд. Эрон ҳатто пас аз ба даст овардани “сулҳи нозук” дар ҷанг бо ИМА ва Исроил ин обдараро баста нигоҳ медорад.
Рӯзи душанбе Мертс изҳор дошт, ки роҳбарияти Эрон Иёлоти муттаҳидаро “таҳқир” карда, сафирони амрикоиро маҷбур кардааст, ки барои музокироти сулҳ ва бозгашти бенатиҷа ба Покистон раванд.
Дар айни замон дар Олмон тақрибан 36 ҳазор сарбози амрикоӣ фаъолият мекунанд.