Дар Шарқи Наздик зарбаҳо ба иншооти нафтӣ аз сар гирифта шуданд. ИМА амалиёти “Лоиҳаи озодӣ” — ро барои шикастани муҳосираи Эрон дар обдараи Ҳурмуз эълон кард. Корпуси посдорони инқилоби Эрон ба ин бо зарбаҳо ба киштиҳое, ки муҳосираро вайрон мекарданд, ҷавоб дод.
Гузоришҳо дар бораи он буданд, ки мушакҳо ба киштиҳои ҳарбии амрикоӣ низ парвоз кардаанд. Эрон ба Амрико посухи 14-банди пешниҳоди қатъи ҷангро додааст. Трамп изҳор дошт, ки флоти амрикоӣ ба киштиҳо дар шикастани муҳосираи обдараи Ҳурмуз кӯмак хоҳад кард.Амалиётро “Лоиҳаи озодӣ” номиданд. Дар аввал эълон шуда буд, ки амрикоиҳо киштиҳои дар обдараи Ҳурмуз мондаро ҳамроҳӣ мекунанд. Аммо баъдтар дар Вашингтон гуфтанд, ки нақшаи пурраи ҳамроҳии низомӣ вуҷуд надорад. БА ҷои ин, Нерӯҳои баҳрии Амрико дар наздикии Ҳурмуз қарор хоҳанд дошт ва дар сурати ҳамлаҳои эронӣ ба киштиҳои тиҷоратӣ дастгирӣ хоҳанд кард. Ҳамагӣ дар амалиёт 15 ҳазор низомии ИМА, зиёда аз 100 адад тайера ва дигар техникаи низомӣ ширкат доранд. Эрониҳо дар ҷавоб гуфтанд, ки ҳар аз ҳар гуна кӯшиши шикастани муҳосира пешгирӣ менамоянд.
Қарори Трамп барои кушодани гулӯгоҳи Ҳурмуз метавонад боиси сар задани ҷанги нав бо Эрон гардад.
Дирӯз якчанд киштиҳо кӯшиш карданд, ки муҳосираро рахна кунанд, ҳадди аққал як киштии марбут ба Кореяи Ҷанубӣ мавриди ҳамла қарор гирифт. Ҳамчунин ба танкери АМА ҳамла карда шуд. Ду дрон ба он зарба заданд. Киштӣ холӣ буд, аз талафоти экипаж низ пешгирӣ карда шуд.
Илова бар ин, эрониҳо бо мушакҳо ба АМА ҳамла карданд. Аз ҷумла, инфрасохтори нафтии бандари аморати Фуҷайра зери зарба қарор гирифт. Ин бандари калон на дар Халиҷи Форс, балки дар соҳили уқёнуси Ҳинд ҷойгир аст, ки ба Аморат имкон медиҳад то нафтро ба канори гулӯгоҳи Ҳурмуз содир кунанд. Аммо он ҳам дар доираи амали дронҳои эронӣ қарор дорад.
Дар Вашингтон умедворанд, ки чунин ҳамлаҳо зарбаҳои нави мушакиро ба Эрон қонунӣ мекунад.
“Миссияи башардӯстона барои озод кардани киштиҳое, ки дар гулӯгоҳ мондаанд, маънои онро дорад, ки агар эрониҳо коре кунанд, онҳо “бачаҳои бад” хоҳанд буд ва мо қонунияти амал карданро дорем”,-гуфт як манбаъ дар маъмурияти Амрико ба нашрияи Axios. Аммо то ба ҳол, амали Вашингтон танҳо ба болоравии навбатии нархи нафт оварда расонид. Нархи як барел нафт ба 120 доллар расид.
Дар ҳамин ҳол Эрон ба ИМА 14 банди нақшаи сулҳро супорид. Эрон хостори оташбаси муваққатӣ нест, балки хостгори қатъи пурраи ҷанг аст. Дар ивази сулҳ дар Теҳрон мехоҳанд кафолати амниятӣ аз ҳамлаҳои оянда, хуруҷи нерӯҳои амрикоӣ аз минтақаҳои наздик, бартараф кардани муҳосираи баҳрӣ, боз кардани суратҳисобҳои яхкардаи эронӣ, ҷубронпулӣ, бекор кардани таҳримҳо ва қатъи амалиёти ҷангӣ дар ҳама ҷабҳаҳо дошта бошанд. Эрон инчунин талаб мекунад, ки қоидаҳои нави гузариш аз обдараи Ҳурмуз эътироф карда шаванд, ки ҳамаи киштиҳое, ки аз он мегузаранд, акнун бояд ба Эрон пардохт кунанд.
Трамп интизор меравад ба ин пешниҳодҳои Эрон посух медиҳад, ки Эрон “ҳанӯз нархи кофӣ надодааст”.
Дар ин замина, кишварҳои Халиҷи Форс интизоранд, ки дар давоми 24 соати оянда амалиёти пурраи ҷангиро аз сар гиранд, гуфт як манбаъ ба CNN. Ва дар Исроил паноҳгоҳҳои бомбгузориро дар саросари кишвар боз карданд.
