Тибқи иттилои хадамоти матбуоти президент, фармони дахлдор аз ҷониби президенти Тоҷикистон Эмомалӣ Раҳмон рӯзи 18-уми июл имзо шудааст.
Пас аз марги фоҷиабори раиси собиқи вилоят Алишер Мирзонабот дар садамаи нақлиётӣ, Сафарзода вазифаи иҷрокунандаи раиси вилоятро ба уҳда дошт.
Шарифхон Сафарзода аз соли 2023 муовини аввали раиси ВМКБ буд.
Қаблан, пеш аз таъйин шуданаш ба ВМКБ, ӯ раиси ноҳияи Варзобро бар дўш дошт.
Ёдовар мешавем, мошине, ки раиси собиқи ВМКБ Алишер Мирзонабот, ҳамсараш Амина Амонуллоева, духтарашон Орифа Мирзонаботзода, ёвар ва ронандаро дар шоҳроҳи Душанбе-Хоруғ ба дарёи Панҷ ғарқ кард, 17-уми июн рух дод.
Ҷустуҷӯи наҷот 13 рӯз давом кард ва 30-юми июни соли 2026 ҷасади Алишер Мирзонабот дар ноҳияи Шоҳин пайдо ва шахсияти ӯ муайян карда шуд.
Раҷабалӣ Раҳмоналӣ, раиси Кумитаи ҳолатҳои фавқулодда ва мудофиаи шаҳрвандии Тоҷикистон, қаблан дар нишасти матбуотӣ эълон карда буд, ки марҳилаи фаъоли амалиёти ҷустуҷӯ 20 рӯз давом кардааст. Наҷотдиҳандагон ҷасадҳои ҳамаи мусофирони мошинро, ба истиснои духтари дусолаи Алишер Мирзонабот, ки ҷустуҷӯи ӯ идома дорад, пайдо карданд.
