Беморхонаи марказии шаҳри Турсунзода дар асоси қарорҳои Ҳукумати Ҷумҳурии Тоҷикистон, фармонҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва қарору амрҳои раиси шаҳри Турсунзода кор ва фаъолият менамояд.
Стратегия ва сиёсати Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва ҳокимияти давлатии шаҳри Турсунзодаро оиди беҳтар намудани хизматрасонии тиббӣ, ҷамоати табибони шаҳр дар ҳаёт татбиқ намуда, дар давраи ҳисоботӣ як қатор корҳои ба нақша гирифта шударо ба сомон расониданд, ки баҳри бонизом фаъолият намудани ҳамаи соҳаҳо мусоидат намуд.
Бо мақсади ошноӣ аз фаъолияти Беморхонаи марказии шаҳри Турсунзода хабарнигори сомонаи “Фараҳ” бо сартабиби беморхонаи мазкур Ҳокимзода Т.Ҳ. суҳбати ихтисосӣ анҷом дод ва фишурдаи он пешкаш мегардад.
Масъулиятшиносӣ
Нахуст номбурда қайд кард, ки нақшаи маҷмӯи тараққиёт ва мустаҳкамкунии пояи моддӣ-техникии муассисаҳои табобатию пешгирии бемориҳо, ки ҳукумати шаҳр тасдиқ кардааст, ба беҳтар гардонидани сифати хизматрасонии тиббӣ ва рушди соҳаи тиб дар нуҳ моли соли 2025 мусоидат намуд.
Кормандони соҳа баҳри дар амал татбиқ намудани Қонуну қарорҳо, консепсияҳо, Стратегияҳо, Барномаҳои миллию соҳавӣ, Нақшаҳои миллии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва амру қарорҳои раиси шаҳр, ки онҳо баҳри рушди саломатии аҳолӣ равона гардидаанд, фаъолият карда истодаанд.
Дар давраи ҳисоботӣ ба беморхона 156 адад қарорҳо, амру фармонҳо ва дигар мактубҳо аз ҷониби Ҳукумати Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, мақомоти иҷроияи ҳокимияти давлатии шаҳри Турсунзода, шӯъба ва бахшҳои мақомоти иҷроия, мақомоти қудратӣ ва дигар корхонаву ташкилотҳо ворид шуданд, ки қисме аз онҳо барои корбарӣ қабул шуда, дигарашон дар байни кормандони соҳа баррасӣ шуданд. Аз беморхона 184 адад ҳуҷҷатҳои ҷавобӣ ва мактубҳо содирот шудаанд. Аз ҷониби шаҳрвандон 11 аризаҳо оиди расонидани кӯмаки тиббӣ ворид шудааст, ки ҳамаи онҳо ҳалли худро ёфтаанд. Дар ин давра 27 нафар шаҳрвандон шифоӣ муроҷиат карданд, ки ҳамаи талабу дархости онҳо аз рӯи имконият иҷро шуданд.
Омодагӣ ба зимистон ва бунёдкорӣ
Дар идомаи суҳбат ҳамсуҳбати сухан карда, аз ҷумла изҳор дошт, ки оид ба тайёрӣ ба тирамоҳу зимистон солҳои 2025-2026 нақшаи чорабиниҳо тартиб дода шуда, иҷроиши захираи маводҳои хӯрокворӣ, 10 куб ҳезум ва сӯзишворӣ аз рӯи нақша иҷро шуданд. Инчунин 150 м2 тирезаҳо шишабандӣ шуданд, 2 адад генераторҳои 40кв ва 3 адад генераторҳои 3кв омода мебошанд.
Бо ташаббуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба беморхона маводҳои доруворӣ ва тиббӣ бо дастгирии шарикони рушд “Ташкилотҳои умумиҷаҳонии тандурустӣ” дар ин давра 10 номгӯй дастгоҳу таҷҳизотҳои тиббӣ ба маблағи зиёда аз 300 ҳазор сомонӣ дастрас карда шуданд.
Баҳри амалӣ намудани дастуру супоришҳои Пешвои миллат барои сазовор пешвоз гирифтани ҷашни 35- солагии Истиқлолияти давлатии Ҷумҳурии Тоҷикистон ва дастуру супоришҳое, ки дар Паёми навбатии худ Президенти Ҷумҳурии Тоҷикистон муҳтарам Эмомалӣ Раҳмон 28 декабри соли 2024 иброз намуданд, дар Беморхонаи марказии шаҳр як қатор корҳои ободию созандагӣ амалӣ шуданд. Аз ҷумла бо дастгрии мақомоти иҷроияи ҳокимияти давлатии шаҳр аз ҳисоби соҳибкорон боми қисми ҷарроҳӣ бо шифер пӯшонида шуд. Роҳрави ошёнаи якум байни муъмурият ва шуъбаҳо бо дастгирии соҳибкорон таъмир карда шуда, ошёнаи дуюм бошад бо дастгрии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва кормандони беморхона таъмиру мукаммал карда шуд. Тирезаҳои чӯбин ба тирезаҳои пластикӣ иваз карда шуда, дарҳо чӯбин ба дарҳои пластикӣ иваз карда шуданд. Ҷамъ 620м2 роҳрав сафолакпӯш карда шуда, деворҳо аз нав ранг карда шуданд. Дар шӯъбаи бемориҳои музмини кӯҳансолон 7 ҳуҷраҳои бистаришавии беморон, ҳуҷраи мудири шӯъба ва 3 адад ҳоҷатхонаҳо таъмири мукаммал карда шудааст (шӯъба 100% таъмири мукаммал шудааст). Дар шӯъбаи бемориҳои гӯшу гулӯ ва бинни роҳравҳо, дар шуъбаи бемориҳои чашм 3 ҳуҷраи бистарии беморон, 1 ҳуҷраи захмбандӣ ва ду ҳуҷраи корӣ таъмири мукаммал карда шуд. Дар шӯъбаи бемориҳои навзодон ҳуҷраи табобати шиддатнок ва як ҳуҷраи бистарии беморон таъмиру мукаммал карда шуд. Ба шӯъбаи навзодон аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон 2 адад кювез дастрас карда шуд. Дар дигар шӯъбаҳои беморхона ҳуҷраҳо бо навбат таъмир шуда истодаанд. 9 адад толорҳои зоишгоҳ, ҳуҷраҳои ёрирасон ва роҳравҳо дар шӯъбаи зоишгоҳ бо пуррагӣ таъмири мукаммал шуда, дару тирезаҳо бо дару тирезаҳои пластикӣ иваз карда шуданд. Дар 7 ҳуҷра мизу курсиҳо, катҳо ва дигар дастгоҳу таҷҳизотҳои нав гузошта шуданд. Дар шӯъбаи табобати шидданоки таваллудхона як ҳуҷраи амалиёти ҷарроҳигузаронии иловагӣ ташкил карда шуда, бо дастгоҳу таҷҳизотҳои лозима таъмин карда шуд. Дар шӯъбаи бемориҳои кӯдакона ҳуҷраи тазриқгоҳ таъмири ҷорӣ карда шуда, барои фаъолияти ҳамширкаҳои навбатдор ҷойи махсус аз таъмир бароварда шуда, бо таҷҳизотҳо таъмин карда шуд. Дар ҳуҷраи шустушӯи беморон таҷҳизотҳои нав гузошта шуданд. Аз беморхона ба шӯъба 29 адад маводҳои нарм (кӯрпа ва ҷойпӯш) дода шуд. Дар шӯъбаи ёрии таъҷилии тиббӣ як ҳуҷраи бекорхобида таъмири мукаммал шуда, люкс-ташкил карда шуд. Аз рӯи нақша корҳои ободонию созандагӣ дар беморхона идома дорад. Дар беморхона бахшида ба ҳамшири умумишаҳрии ниҳолшинонӣ қариб 200 адад ниҳолҳои ороишӣ, сояафкан ва мевадиҳанда шинонида шуд.
Ёрии статсионарӣ ба аҳолӣ
Ҳамзамон, ҳамсуҳбати мо тазаккур дод, ки дар ин давра ба қабулгоҳи беморхона 20096 нафар беморон нисбати 18777 нафари соли 2024 муроҷиат намуданд, ки онҳо 18401 нафар беморон бистарӣ шуда, нисбати 16713 нафари соли 2024 ёрии тиббӣ расонида шуд.
Аз ин шумора кӯдакон 6881 нафар, нисбати 5445 нафари соли 2024 мебошанд. Аз беморони бистарӣ шуда бо рохҳат 10376 нафар, нисбати 9105 нафари соли 2024 мебошад. Фоизи иҷроиши катҳои беморхона 96,00% -ро нисбати 85, 35 % соли 2023 ташкил мекунад.
Дар ин давра 764 (623 соли 2024) амалиёти хатна гузаронида шудааст. Дар нуҳ моҳи соли равон дар шуъбаҳои таваллудӣ 6723 нафар кӯдак, нисбати 6561 нафар тифл таваллуд шудааст. Коэффитсиенти таваллуд ба 1000 нафар аҳолӣ 5,5 нисбати 5,3%. Афзоиши табии аҳолӣ 4.6% нисбат 4,5%. Дар таваллудхона 942 амалиёти буриши Қайсарӣ, нисбати 894 амалиёт дар нуҳ моли соли 2024, 5 ампутатсияи бачадон, нисбати 4 дар соли 2024 ва 2 адад экстерпатсия, нисбати 6 адади соли 2024 гузаронида шудааст.
Дар шуъбаҳои ҷарроҳӣ 2356/2131 адад ҷарроҳӣ гузаронида шудааст.
Дар озмоишгоҳҳои беморхона ба 102689 нафар шаҳрвандон таҳлилҳо нисбати 189634 нафари соли 2024 гузаронида шудааст. Дар шуъбаҳои ташхис аз ташхис 9862 нафар шаҳрвандон нисбати 11324 нафар аз ташхис гузаштанд. Дар шуъбаҳои физиотерапевтӣ бошад 4856 нафар беморон, нисбати 5893 бемор, 14612 адад тазриқ, нисбати 17531 тазриқи соли 2024 гирифтааанд. Ба нуқтаи шикастабандӣ дар нуҳ моҳи соли равон 4358 нафар шаҳрвандон нисбати 4269 нафар муроҷиат намуданд. Дар нуҳ моҳи сипаришуда ба миқдори 473010 мл (2354 воя) хунгузаронӣ шудааст.
Аз паҷӯишгоҳи муайянкунии гурӯҳҳо ва миҷози хун беморон статсионарӣ 927 нафар нисбати 900 нафар дар соли 2024, амбулаторӣ 439 нафар гузаштанд муқобили 471 нафар дар соли 2024, дар ин давра дар беморхона 2 маротиба Рӯзи донорон гузаронида шуд, ки дар он қариб 550 нафар шаҳрвандон иштирок намуданд. Дар ҳуҷраи ташхиси ренгенӣ он қариб 550 нафар шаҳрвандон иштирок намуданд. Дар ҳуҷраи ташхиси ренгенӣ 2456 нафар (4012 ренгенограмма), нисбати 2232 (3125 ренгенограмма) беморон аз ташхис гузаштанд.
Дар фароварди суҳбат Сартабиби БМШ –Турсунзода Ҳокимзода Т.Ҳ. афзуд, ки мо- табибон талош мекунем беш аз пеш ба мардум хидмати шоиставу беҳтар намоем ва савияи дониши касбиамонро мекӯшем зина ба зина беҳтару хубтар намоем.
Нигора Саидбекова, “Фараҳ”
