Раёсати Вазорати молияи Ҷумҳурии Тоҷикистон дар ноҳияи Шаҳринав баҳри дар амал татбиқ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дастуру супоришҳои Ҳукумати мамлакат, Ҳукумати ноҳия ва Вазорату идораҳои болоӣ инчунин таъмин намудани иҷрои сифатноки қисмҳои даромад ва хароҷҳои буҷети давлатӣ дар моҳҳои январ–октябри соли 2025 корҳои зиёдеро ба анҷом расонидааст.
Вобаста ба фаъолияти Раёсати Вазорати молияи Ҷумҳурии Тоҷикистон дар ноҳияи Шаҳринав хабарнигори сомонаи “Фараҳ” бо сардори раёсати мазкур Султонов Б.М. суҳбати ихтисосӣ анҷом, ки фишурдаи он пешакаши хонандагон мегардад.
Иҷрои буҷет
Номбурда нахуст қайд кард, ки буҷети маҳаллии ноҳияи Шаҳринав барои соли 2025 бо қарори маҷлиси вакилони халқи ноҳияи Шаҳринав аз 30 декабри соли 2024, №321 аз рӯи даромад ва хароҷот ба маблағи 127.836.000 сомонӣ тасдиқ гардида, аз ин қисми даромади буҷети маҳаллӣ 52.000.000 сомонӣ ва аз ҳисоби мусоидати молиявӣ аз буҷети ҷумҳуриявӣ (субвенсия) ба мабалағи 74.301.000 сомонӣ, касри буҷет ба мабалағи 1.535.000 ҳазор сомонӣ муаян гардидааст, ки аз ҳисоби барзиёд иҷро гардидани қисми даромади буҷет пушонида мешавад.
Хароҷотҳои пешбинишуда аз ҳисоби даромадҳои дохилӣ ба маблағи 52,0 млн. сомонӣ ё дар ҳаҷми 40,7 фоиз ва аз ҳисоби мусоидати молиявӣ аз буҷети ҷумҳуриявӣ ба маблағи 74,3 млн. сомонӣ ё дар ҳаҷми 58,2 фоиз пардохт карда мешавад.
Баҳри амали намудани Фармоиши Ҳукумати Ҷумҳурии Тоҷикистон аз 26 декабри соли 2024 ҷиҳати таҳияи босифати буҷети давлатӣ барои соли 2026-2028 лоиҳаи нақшаи қисми даромади буҷети маҳаллии ноҳияи Шаҳринав барои соли 2026 ва дурнамои он барои солҳои 2027-2028-ро бо назардошти афзоиш ёфтани фонди музди меҳнат таҳия намуда, аз рӯи даромад ба маблағи 66.000.000 сомонӣ ба Вазорати молияи Ҷумҳурии Тоҷикистон пешниҳод карда шуд, ки нисбати нақшаи тасдиқгардидаи соли 2025 ба маблағи 14.000.000 сомонӣ ё худ 27,0 фоиз зиёд мебошад.
Дар даҳ моҳи соли ҷорӣ нақшаи андозҳо ва дигар пардохтҳои ҳатмӣ бо назардошти андози иҷтимоии муассисаҳои ғайрибуҷетӣ 112 фоиз таъмин гардида, ба ҷои 50 млн 336 ҳазор сомони пешбинишуда ба буҷет 56 млн. 429 ҳазору 576 сомонӣ ворид карда шуд, ки нисбат ба нақша 6 млн. 93 ҳазору 576 сомонӣ зиёд мебошад.
Иҷроиши нақшаи буҷети маҳаллӣ дар даҳ моҳ 110 фоиз таъмин карда шуда, ба буҷет 47 млн. 731 сомонӣ ворид гардид, ки нисбат ба нақша 4 млн.467 ҳазору 731 сомонӣ зиёд мебошад.
Нақшаи андози иҷтимоии муассисаҳои буҷетӣ дар давраи ҳисобоӣ 21 млн. 935 ҳазору 524 сомонӣ пешбинигардида, иҷроиши он бо назардошти хароҷотҳо 22 млн. 38 ҳазору 356 сомонӣ таъмин карда шуда, 100 фоизи нақшаро ташкил дода, нисбат ба нақша 102,8 ҳазор сомонӣ зиёд мебошад.
Нақшаи андози иҷтимоии муассисаҳои ғайридавлатӣ дар давраи ҳисоботӣ 7 млн. 72 ҳазор сомонӣ пешбинигардида иҷроиши он бо назардошти хароҷотҳо 8 млн. 697 ҳазору 845 сомонӣ таъмин гардида, 123 фоиз ё худ нисбати нақша 1 млн. 625 ҳазору 845 сомонӣ зиёд мебошад.
Дар ин давра субвенсия аз буҷети Ҷумҳуриявӣ 61 млн.381 ҳазору 610 сомонӣ ворид гардида, маблағҳо барои рӯйпуш намудани норасоии фонди музди меҳнат, ки аз тарафи раёсат ба мабалағи 6810,0 ҳазор сомонӣ пешниҳод гардида буд аз он 3851,8 ҳазор сомонӣ таъмин карда шуд.
Аз руйи намудит андозҳои банақшагирифташуда дар даҳ моҳ бо назардошти тағйиру иловаҳо ва барои сифатнок иҷро гардидани он қарори маҷлиси вакилони халқи ноҳия №11, аз 25 июни соли 2025 ба тавсиб расонида шудааст.
Дар давраи ҳисоботи иҷроиши 5 намуди андозҳо таъмин карда шуда, воридоти андозҳои вобастагардида чунин мебошад:
-андоз аз даромад 24.382.423 сомонӣ, 113 фоиз;
-андоз аз молу мулк 9.806.471 сомонӣ;
-андоз аз арзиши иловашуда 4.328.973 сомонӣ, 120 фоиз;
-низомҳои махсуси андозбандӣ 6.615.790 сомонӣ, 114 фоиз;
-аксизҳои дохилӣ 464.900 сомонӣ;
-андозҳо барои захираҳои табии 405.096 сомонӣ, 116 фоиз;
-боҷи давлатӣ 1.349.064 сомонӣ, 135 фоиз;
-воридоти ғайриандозӣ 379.014 сомонӣ.
Масъулиятшиносӣ
Дар идомаи суҳбат мавсуф тазаккур дод, ки қисми хароҷоти буҷети ноҳия дар давраи ҳисоботӣ аз 110 млн. 555 ҳазору 203 сомонии пешбинишуда 110 млн.79 ҳазору 977 сомонӣ хароҷот карда шудааст.
Хароҷотҳо барои фонди музди меҳнат 98 млн 666 ҳазору 800 сомонӣ ва дар давраи ҳисоботӣ хароҷоти соҳаҳои иҷтимоӣ 97,8 млн. сомонӣ мебошад.
Раёсати Вазорати молия бо мақсади таъмини иҷрои Қонуни Ҷумҳурии Тоҷикистон “Дар бораи буҷети давлатии Ҷумҳурии Тоҷикистон барои соли 2025”, идоракунии самараноки молиявӣ таъмини иҷроиши сифатноки буҷети ноҳия вусъат бахшида, воридоти буҷетро пеш аз ҳама барои таъмини уҳдадориҳои аввалиндараҷаи иҷтимоӣ равона намуда, риояи самараноку мақсадноки маблағҳои буҷетӣ, роҳ надодан ба хароҷотҳои дуюмдараҷаю бесамар таъмин менамояд.
Нигора Саидбекова, “Фараҳ”
