Раёсати Вазорати молияи Ҷумҳурии Тоҷикистон дар ноҳия Рӯдакӣ мутобиқи дастур ва супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Фармоишҳои вазири молияи Ҷумҳурии Тоҷикистон, инчунин қарорҳои раиси ноҳияи Рӯдакӣ баҳри дар амал татбиқ намудани Қарорҳои Ҳукумати Ҷумҳурии Тоҷикистон аз 29 ноябри соли 2024, №604 Дар хусуси тадбирҳои иҷрои Қонуни Ҷумҳурии Тоҷикистон “Дар бораи буҷети давлатии Ҷумҳурии Тоҷикистон барои соли 2025” ва қарори иҷлосияи Маҷлиси вакилони халқи ноҳияи Рӯдакӣ “Дар барои тасдиқ намудани буҷети ноҳияи Рӯдакӣ барои соли 2025” ва тасдиқ иҷрои буҷети ноҳия дар соли 2023” як қатор корҳоро ба сомон расонида, чораҳои зарури меандешад.
Вобаста ба фаъолияти Раёсати Вазорати молияи Ҷумҳурии Тоҷикистон дар ноҳияи Рӯдакӣ хабарнигори сомонаи “Фараҳ” бо сардори раёсати мазкур Шарипов Ғ.С. суҳбати ихтисосӣ анҷом, ки фишурдаи он пешакаши хонандагон мегардад.
Иҷрои буҷет
Нахуст сардори Раёсати Вазорати молияи Ҷумҳурии Тоҷикистон дар ноҳияи Рӯдакӣ Шарипов Ғ.С. дар бораи иҷроиши буҷет сухан карда, аз ҷумла қайд кард, ки иҷроиши беҷети ноҳия дар нуҳ моҳи соли 2025 бо нишондиҳандаҳои назаррас таъмин гардида, нақша 272 миллиону 693 ҳазор сомонӣ пешбини гардида, ба буҷет 317 миллиону 444 ҳазор сомонӣ маблағ ворид гардид, ки 116 фоизи нақшаро ташкил намуда нисбати нақша 44 миллиону 751 ҳазор сомонӣ ва нисбати ҳамин давраи соли гузашта 84 миллиону 781 ҳазор сомонӣ зиёд мебошад.
Дар ин давра иҷроиши қисми даромади буҷети маҳаллӣ аз рӯи андозҳои давлатӣ, сифатнок бо барзиёди иҷро гардида, нақша 191 миллиону 775 ҳазор сомонӣ, иҷроиш 233 миллону 113сомонӣ ё ин ки 122 фоизро ташкил медиҳад, ки аз нақшаи тасдиқшудаи 41 миллиону 338 ҳазор сомонӣ нисбати соли сипаригардида 36 фоиз зиёд даромад шудааст.
Ҳиссаи иҷроиши қисми таркиби андозҳо нисбати ҳаҷми умумии даромади буҷет дар давраи ҳисоботӣ чунин мебошад:
-андоз аз даромади воқеӣ 24,0%;
-андоз аз даромади ҳуқуқӣ 20,0 %;
-андоз аз арзиши иловашуда 29,0%;
-андозе, ки тибқи низоми соддакардашуда пардохта мешавад 7,0 %;
-дигар андозу даромадҳо 20,0%;
Дар нуҳ моли соли 2025 нақшаи андози иҷтимоӣ 80 миллиону 917 ҳазор сомонӣ пешбинӣ гардида, иҷроиш 84 миллиону 330 ҳазор сомонӣ ё 104 фоиз, аз ҷумла аз ҳисоби ташкилотҳои буҷетӣ 97 фоиз ё 52 миллиону 521 ҳазор сомонӣ ва аз корхонаву ташкилотҳои ғайрибуҷетӣ беназардошти хароҷот 119 фоиз ё 31 миллиону 809 ҳазор сомониро ташкил медиҳад.
Нақшаи қисми хароҷоти буҷети ноҳия дар ин давра, 287 миллиону 345 ҳазор сомонӣ, иҷроиш 271 миллиону 664 ҳазор сомонӣ ё 94,5 фоизро ташкил намуда, нисбати ҳамин давраи соли гузашта 59 миллону 703 ҳазор сомонӣ ё 28,1 фоиз зиёд мебошад.
Дар нуҳ моҳи соли ҷорӣ ба соҳаҳои иҷтимоӣ 258 миллону 59 ҳазор сомонӣ маблағгузорӣ карда шуд, ки 94,9 фоизи нақшаро ташкил намуда, нисбат ба ҳамин давраи соли сипаригашта ба маблағи 59 миллиону 531 ҳазор сомонӣ ё 29,9 фоиз зиёд мебошад.
Маблағгузорӣ
Дар идома номбурда афзуд, ки дар давраи ҳисоботӣ маблағгузорӣ ба соҳаҳои хоҷагии халқ чунин мебошад:
Мақомоти иҷроияи ҳокимияти давлатӣ ва идора 89,8% (нақша 7041,9 ҳазор сомонӣ, иҷроиш 6323,5 ҳазор сомонӣ), Мақомоти ҳифзи ҳуқуқ 96,6% (нақша 1356,5 ҳазор сомонӣ, иҷроиш 1305,1 ҳазор сомонӣ), маориф 96,4 % (нақша 217433,8 ҳазор сомонӣ, иҷроиш 205246,3 ҳазор сомонӣ), нигоҳдории Тандурустӣ 96,6% (нақша 49642,9 ҳазор сомонӣ, иҷроиш 47939,0 ҳазор сомонӣ), Суғуртаи иҷтимоӣ ва ҳифзи иҷтимоии аҳолӣ 99,7% (нақша 2490,7 ҳазор сомонӣ иҷроиш 2483,1 ҳазор сомонӣ), Хоҷагии манзилию коммуналӣ 95,9% (нақша 1611,1 ҳазор сомонӣ, иҷроиш 1545,4 ҳазор сомонӣ), Фарҳанг ва варзиш 94,5% (нақша 2531,1 ҳазор сомонӣ.иҷроиш 2391,0 ҳазор сомонӣ), Кишоварзӣ 89,8% (нақша 960,0 ҳазор сомонӣ, иҷроиш 862,0 ҳазор сомонӣ), Сохтмони асосӣ 74,5% (нақша 2351,4 ҳазор сомонӣ, иҷроиш 1750,8 ҳазор сомонӣ), Нақлиёт ва комуникатсия 99.2% (нақша 1832,8 ҳазор сомонӣ, иҷроиш 1817,7 ҳазор сомонӣ).
Дар давраи ҳисоботӣ аз ҳисоби фонди захиравии Мақомоти иҷроияи маҳаллии ҳокимияти давлатии ноҳия ба соҳаҳои хоҷагии халқ 866,0 ҳазор сомонӣ маблағгузорӣ шуд.
Ба ҳолати 6 октябри соли 2025 дар ташкилоту муассисаҳои буҷетии ноҳия қарздорӣ ва қафомони аз музди меҳнат ва андози иҷтимоӣ вуҷуд надорад.
Масъулиятшиносӣ
Мавсуф ҳамчунин тазаккур дод, ки Раёсати Вазорати молияи Ҷумҳурии Тоҷикистон дар ноҳияи Рӯдакӣ бо мақсади таъмини иҷрои Қонуни Ҷумҳурии Тоҷикистон “Дар бораи Буҷети давлатии Ҷумҳурии Тоҷикистон барои соли 2025”, таъмини иҷроиши сифатноки буҷети ноҳия ва дарёфти манъбаҳои нави андозбандӣ, кам кардани бақияпулиҳои андоз вусъат бахшида, воридоти буҷетро пеш аз ҳама барои таъмини уҳдадориҳои аввалиндараҷаи иҷтимоӣ пардохти музди меҳнат, андози иҷтимоӣ равона намуда риояи самараноку мақсаднок истифодаи маблағҳои буҷетиро таъмин менамоем.
Нигора Саидбекова, “Фараҳ”
