Аз таърихи литсей
Муассисаи давлатии таълимии «Литсейи касбии маталлургии шаҳри Турсунзода” дар асоси Қарори Шӯрои вазирони РСС Тоҷикистон аз 1 июни соли 1976, №241 ҳамчун Омӯзишгоҳи касбии техникии №59 ноҳияи Турсунзода таъсис ёфтааст. Дар асоси Қарори ҳайати мушовараи Вазорати меҳнат ва шуғли аҳолии Ҷумҳурии Тоҷикистон аз 6 июли соли 1999, №19 ва фармони вазири меҳнат ва шуғли аҳолии Ҷумҳурии Тоҷикистон аз 28 июли соли 1999, №108 Омӯзишгоҳи касбии техникии №59 ба Литсейи техникии саноатии шаҳри Турсунзода табдил дода шудааст. Баъдан бо фармони вазири меҳнат ва ҳифзи иҷтимоии аҳолии Ҷумҳурии Тоҷикистон аз 28 апрели соли 2004, №78 Литсейи касбии №59 ҳамчун Литсейи касбии металлургии шаҳри Турсунзода номгузорӣ карда шудаасат. Тибқи Қарори Ҳукумати Ҷумҳурии Тоҷикистон аз 7 марти соли 2001, №124 ба номгӯйи муассисаҳо ва ташкилтҳои системаи Вазорати маорифи Ҷумҳурии Тоҷикистон ворид гардид.
Оиномаи муассисаи пас аз муҳокима дар Шӯрои илмӣ-омӯзгорӣ ва муҳандисӣ бо фармоиши раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон таҳти №213, аз 18.09 соли 2024 тасдиқ карда шуда, ба расмият дароварда шуда, имрӯзҳо дар ҷодаи таълиму тарбияи кадрҳои дорои таҳсилоти ибтидои касбӣ як қатор корҳоро ба сомон расонида истодаанд. Дар давраи мазкур иҷрои дастуру тавсияҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо аҳли зиёиёни малакат ва Паёми Сарвари давлат ба Маҷлиси Олии Ҷумҳурии Тоҷикистон, қарорҳои мушовараҳои Кумита оид ба таҳсилоти ибтидои ва миёнаи касбии назди Ҳукумати Ҷумҳурии Тоҷикистон ва дигар санадҳои меъёрӣ-ҳуқуқии соҳа, назорати доимии раванди таълим, баланд бардоштани сифати таҳсилот ва сатҳу сифати дониши муҳассилин дар маркази диққати роҳбарият қарор дорад.
Бо мақсади ошноӣ аз фаъолияти “Литсейи касбии металлургии шаҳри Турсунзода” хабарнигори сомонаи “Фараҳ” бо директори муассисаи мазкур Иброҳимова Мавзуна Файёзовна суҳбат анҷом дод ва фишурдаи он пешкаш мегардад.
Аз рӯи ёздаҳ ихтисос кадр омода мегардад
Ҳамин тавр, мавсуф афзуд, ки толибилмон аз рӯи 11 ихтисос ба таълим фаро гирифта шудаанд: 1. “таркторчӣ-мошинисти истеҳсолоти кишоварзӣ”, 2. “Ҳаррот”, 3. “Мошиначии кранҳои истеҳсоли металлургӣ”, 4. “Челонгар оид ба таъмири муҳаррики автомобил”, 5. “Кафшергари барқию газӣ”, 6. “Системаи компютерӣ Интернет-технология”, 7. “Кафшергари газӣ”, 8. “Мантёри барқӣ оид ба таъмир ва хизматрасонии таҷҳизотҳои барқӣ”, 9. “Челонгар оид ба тайёр намудани ҷузъҳо ва қисмҳои техникӣ-санитарӣ”, 10. “Барқчӣ оид ба таъмири қисмҳои барқии автомобил”, 11. “Ҳисобдор (бо донистани компютер)
Базаи кадрӣ
Дар мавриди базаи кадрии литсей гуфта шуд, ки 87 нафар кормандон дар муассисаи мазкур кору фаъолият доранд. Аз ҷумла 66 нафарашон омӯзгорон ва устоҳои таълимӣ мебошанд.
Маъмурияти таълимгоҳ аз рӯи нақшаи дурнамои гузаштани курси такмили ихтисоси кормандон, омӯзгорон ва устоҳои таълимиро давра ба давра ба маркази такмили ихтисос ва мониторинг сифати таълими Кумита равона намуда истодааст.
Муассиса тибқи стандартҳои таълимӣ ва нақша-барномаҳои таълимии аз тарафи кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон пешниҳодшуда, фаъолиятро ба роҳ мондааст. Сарбории омӯзгорон аз рӯи ихтисос дар асоси маълумоташон таъмин карда шудааст. Дар муассиса омӯзгори ғайриихтисос фаъолият надорад. Дар литсей ҷадвали машғулиятҳои таълимӣ, таълими-амалӣ ва дарсҳои кушод мавҷуд буда, тибқи ҷадвал гузаронида истодааст.
Корҳои таълими истеҳсолӣ
Ҳамзамон, номбурда тазаккур дод, ки раванди корҳои таълими истеҳсолӣ тибқи нақшаю барномаҳои таълимӣ ба роҳ монда шуда, дар бахшҳои 1-ум ва 2-юм дар давоми ҳафта 1 –рӯз ва дар бахшҳои таълимоташон 1-сола низ дар давоми ҳафта1-рӯз тибқи ҷадвал гузаронида мешаванд. Қайд кардан зарур аст, ки хонандагони бахшҳои хатмкунанда дарсҳои таълими истеҳсолиро дар корхонаи такягоҳӣ ҶСК “Ширкати Алюминийи Тоҷик”,бонкҳои дар дохили шаҳр фаъолияткунанда ва дигар корхонаю ташкилотҳои ҳудуди шаҳр гузаштанд. Хонандагони бахшҳои 2-юм ва таҳсилоташон 1 сола баъд аз супоридани аттестатсияи давлатии ҷорӣ аз 25.05 соли 2025 то 20.06.2025 дар асоси нақша барои гузаштани таҷрибаомӯзии истеҳсолӣ ба корхонаи такягоҳӣ ҶСК “Ширкати Алюминийи Тоҷик” ва дигар корхонаю ташкилотҳои ҳудуди шаҳр равона карда шуданд. Хонандагони бахшҳои 1-ум низ баъд аз супоридани аттестатсияи аз бахш ба бахшгузаронӣ ба муддати 2 ҳафта ба таҷрибаомӯзии истеҳсолӣ фиристода шуда буданд. Хонандагони муассиса аз таҷрибаомӯзии истеҳсолӣ бомуваффақият гузаштанд.
Корҳои тарбиявӣ
Ҳамчунин, мавсуф иттило дод, ки кори таълиму тарбия аз тамоми кормандони соҳаи ибтидоии касбӣ ва омӯзгорону тамоми ҷомеа талаб менамояд, ки дар бобати тарбияи миллии насли наврас фаъолнокӣ зоҳир намуда, дар амалӣ намудани барномаҳою тадбирҳои давлатӣ, ки аҳамияти бузурги иҷтимоию ахлоқӣ доранд, саҳмгузор бошанд. Кори таълиму тарбия бар души оила ва мактабу маориф вобаста буда, барои тарбияи дуруст додани насли наврас ҳамаи омӯзгорон бояд саҳмгузор бошанд. Баҳри амалӣ намудани Қонуни Ҷумҳурии Тоҷикистон “Дар бораи масъулият барои таълиму тарбияи кӯдак” барои дигар оӯзгорон ва падару модарон вазифадор намудааст, ки дар таълиму тарбияи насли ҷавонони имрӯза ҳамбастагии наздик бо муассиса дошта, шароити зарурии таълиму тарбияро муҳайё созанд.
Мутобиқи нақшаи солонаи корҳои тарбиявӣ дар муассиса дар давраи ҳисоботӣ як қатор корҳои назаррам ба анҷом расонида шуд. Дар моҳи январ баргузор намудани семинар “гузаштаро фаромӯш масоз, имрӯз биомӯз боз бисоз”; Ташкил ва баргузор намудани ҳафтаи китоб аз 24.01.2025 то 29.01.2025. Тамошои дастаҷамъонаи Паёми навбатии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таърихи 28.12.2024.; Баргузор намудани шӯрои Ассотсиатсияи падару модарон ва омӯзгорон дар таърихи 11.02.2025.; ташкили омӯзиши китобҳои Сарвари давлат аз 07.02.2025 то 25.02.2025.; Омӯзиши таърих ва мероси фарҳанги ниёгон, ташкил намудани саёҳат ба осорхонаи шаҳр дар давоми моҳ.; Гузаронидани мусобиқаи волейбол, футбол дар байни хонандагон бахшҳои ба рӯзи Артиши миллӣ; ташкил ва баргузор намудани чамъомади тантанавӣ бо номи ватанпарвар” дар таърихи 22.02.2025.; вохурӣ бо намояндагони МИҲД ва намояндагони КИ ҲХДТ дар шаҳри Турсунзода доир ба самтҳои асосии сиёсати дохилӣ ва хориҷии ҷумҳурӣ дар таърихи 24.01.2025.; бахшида ба рӯзи модарон ташкили озмуни “Беҳтарин газетаи деворӣ”, навиштани беҳтарин иншои “Модар биҳишти рӯи замин аст”; озмни “Кани духтарон” 07.03. соли 2025 баргузор гардид.
Санаи 13 марти соли 2025 аз ҷониби намояндагони МИҲД шаҳри Турсунзода ва намояндаи шуъбаи байнидоравии Агентии назорати маводи нашъаовари назди Президенти Ҷумҳурии Тоҷикистон доир ба мавзуъҳои баррасии Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 28 декабри соли 2024; Баррасии Қонунҳои Ҷумҳурии Тоҷикистон “Дар бораи масъулият барои таълиму тарбияи кӯдак”, “Дар бораи танзими ҷашну маросимҳо дар Ҷумҳурии Тоҷикистон ва пешгирии гаравидани ҷавонон ба ҳизбу ҳаракатҳои террористиву экстремистӣ, савдои одамон ва нашъамандӣ вохӯрӣ бо хонандагон ва омӯзгорони муассисаи таълимӣ гузаронида шуд.
Дар муассисаи таълимӣ бо мақсади иҷрои Қарорҳои Ҳукумати Ҷумҳурии Тоҷикистон дар бораи Барномаҳо ва Стратегияҳои давлатӣ хуб ба роҳ монда шудааст. Нақшаи чорабиниҳои Барнома ва Стратегияҳои давлатӣ дар муассиса ба тавсиб расонида шуда, иҷроиши бандҳои нақшаи чорабиниҳо банд ба банд иҷро шуда истодааст. Ҳар як барнома ва Стратегия дар ҷузъдонҳои алоҳида нигоҳ дошта шудааст.
Бо мақсади баланд бардоштани эҳсоси ватандӯстиву хештаншиносӣ, ифтихори миллӣ, арҷ гузоштан ба таъриху тамаддун, фарҳанг, расму ойинаҳои миллию мардумӣ ва муарифии санъату ҳунари васеи халқи тоҷик дар арсаи байналмилалӣ дар муассиса озмуни “кадбону” дар байни гурӯҳҳои таълимӣ ва омӯзгорон гузаронида шуд. Бо мақсади баланд бардоштани аҳсоси ватандустиву хештаншиносӣ, ифтихори миллӣ, арҷ гузоштан ба таъриху тамаддун, фарҳанг, расму ойинаҳои миллию мардумӣ ва муарифии санъату ҳунари васеи халқи тоҷик дар арсаи байналмилалӣ дар муассиса даври якуми Фестивал санаи 20 феврал соли 2025 фестивал намоиши “Сад ранги чакан “ ва намоиши маҳсулоти нақшдӯзиву зардӯзии чаканӣ ва фестивал намоиши либосҳои миллӣ “ҷилои рангҳо” дар байни гурӯҳҳои таълимӣ ва омӯзгорон аз рӯйи номинатсияи намоиши либосҳои рӯзмарра, намоиши навъҳои гуногуни сӯзанидӯзӣ ба роҳ монда шуд. Аз ҷониби ҳакамон ба якчанд омӯзгорон ва гурӯҳҳои таълимии №101 аз рӯйи номинатсияи намоиши либосҳои рӯзмарра, №106 намоиши либосҳои маросимӣ ва идона ва гурӯҳи №103 намоиши либосҳои расмӣ ва намоиши навъҳои гуногуни сӯзаннидӯзӣ ва намоиши либосҳои миллӣ “Ҷилои рангҳо” баҳои баланд дода ба даври шаҳри иштирок намудан пешниҳод намуданд.
Ҳамзамон ба иштирокчиёни Фестивали мазкур аз ҷониби директори муассисаи таълимӣ бо сипосномаҳо ва тӯҳфаҳои хотиравӣ қадрдонӣ карда шуданд.
Бо мақсади татбиқи Барномаи давлатии тарбияи ватандӯстӣ ва таҳкими ҳувияти милли ҷавонони Тоҷикистон, барномаи миллии рушди иҷтимоии ҷавонони Ҷумҳурии Тоҷикистон дар муассисаи таълимӣ корҳои тарғиботию ташфиқотӣ доир ба хизмати ҳарбӣ рафтан ба сафи қувваҳои мусаллаҳи Ҷумҳурии Тоҷикистон дар байни хонандагони синни 18 солагӣ расида аз ҷониби роҳбарияти муассиса, омӯзгорони фанҳои омодагии дифои ҳарбӣ ҷонишинони директор оид ба таълим ва тарбия гузаронида шуд. Инчунин дар байни хонандагон чорабиниҳои фарҳангӣ ва мусобиқаҳои ҳарбӣ-варзишӣ, сӯҳбату вохӯриҳои гуногун бахшида ба ҷашнҳои давлатӣ ташкил ва гузаронида шуданд.
Бахшида ба рӯзи Наврӯзи аҷам дар муассиса мутобиқи нақшаи корӣ якчанд корҳои назаррас ба анҷом расонида шуд.Аз он ҷумла корҳои ободонӣ: шинондани гулҳои ороишӣ, дарахтони мевадиҳанда ва сояафкан. Тоза намудани гирду атрофи муассиса, рангу бор намудани дарахтон, бо овезаю шиорҳои идона оро додани роҳраву толорҳо, ташкил намудани бозиҳои варзишию фароғатӣ бо иштироки хонандагони муассиса гузаронида шуд.
Дар озмуни “Малаки касбӣ” байни хонандагони муассисаҳои ибтидоии касбии шаҳри Душанбе ва ноҳияҳои тобеи марказ, ки дар литсейи техникии шаҳри Ваҳдат баргузор гардид. Хонандагони литсей иштирок намуда, натиҷаҳои онро интизор буда, ба даври ниҳоии озмун тайёрии ҷиддӣ дида истодаанд.
Хонандагони бахшҳои техникӣ бомуваффақият барномаи таълимиро аз худ намуда ба супоридани имтиҳонҳои ҷорӣ роҳхат гирифтанд.
Бахшида ба 147-солагии зодрӯзи сардафтари адабиёти муосири тоҷик Садриддин Айнӣ аз тарафи хонандагон ва омӯзгорони муассиса дар литсей ҳафтавора ва конференсияи илмӣ-адабӣ баргузор гардид.
Дар таърихи 2.05 соли 2025 бахшида ба 114-солагии шоир, каҳрамони Тоҷикистон Мирзо Турсунзода аз тарафи хонандагон ва омӯзгорони фанни забон ва адабиёти тоҷик конференсияи илмӣ-назариявӣ баргузор гардид.
Бахшида ба ҷашни Истиқлолияти давлатии Ҷумҳурии Тоҷикистон санаи 7-сентябр дар толори муассиса маҷлиси тантанавӣ баргузор гардида, сипас бо иштироки хонанадагон ва омӯзгорон чорабинии сиёсӣ ва фарҳангӣ гузаронида шуд.
Санаи 24-уми сентябр бо ташаббус ва дастгириҳои Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон дар ҳамкорӣ бо шарикони рушд Лоиҳаи “Дастгирии иттиҳоди Аврупо ба соҳаҳои маориф ва меҳнати Ҷумҳурии Тоҷикитон” семинари байналмилалӣ дар мавзуъ “Пешбурди шарикии давлатӣ ва хусусӣ ва омӯзиш дар асоси фаъолият дар байни шарикони иҷтимоӣ” баргузор гардид. Дар ҷамъбастисеминари мазкур меҳмонон аз устухонаҳои таълимӣ ва аз сехҳои “Ширкати Алюминии Тоҷик” дидан намуданд.
Моҳи сентябр ду нафар устои таълимӣ-истеҳсолӣ ва директори муассиса дар семинари байналмилалӣ, ки дар бинои Кумита баргузор гардид фаъолона ширкат варзида, соҳиби Шаҳодатнома гардиданд.
Нигора Саидбекова «Фараҳ»
