Зеленский: Ман ба шумо аниқ мегӯям, сулҳ наздик аст!

Зеленский дар бораи наздик шудани сулҳ ва анҷоми эҳтимолии ҷанг дар Украина изҳор дошт.
Президенти Украина Владимир Зеленский дар бораи наздик шудани “охири эҳтимолии” қатъи низоъ бо Руссия дар Украина изҳор дошт. Суханони ӯро “Рбк-Украина”меорад.
“Мо ба анҷоми эҳтимолии ҷанг наздик шудем. Ман ба шумо аниқ мегӯям. Ин маънои онро надорад, ки он бешубҳа ба охир мерасад, аммо Президент Трамп дар Ховари Миёна муваффақият ба даст овард ва дар ин мавҷ ӯ мехоҳад ҷанги Руссияро бо Украина хотима диҳад” – гуфт Зеленский.
Ба гуфтаи ӯ, дар муносибатҳои байналмилалӣ барои анҷоми амалиёти ҷангӣ байни Маскав ва Киев дархости сиёсӣ зиёд мешавад. Украина аз ин рӯҳия истифода мебарад, то “фишори худро ба Руссия афзоиш диҳад”, – изҳор дошт сарвари давлат. Рӯзи гузашта Владимир Зеленский имкони хуруҷи нерӯҳои низомии Украинаро аз қаламрави ДНР рад кард. Ба қавли Трамп, ” ин талаби ҷониби Руссия мебошад”.
Дар бораи он, ки Руссия гӯиё талаб мекунад, ки Украина аз даъвоҳояш ба ДНР даст кашад, 19 октябр рӯзномаи The Washington Post бо истинод ба манбаъҳо хабар дод. Тибқи маълумоти нашрия, чунин талаботро Президенти Руссия Владимир Путин ҳангоми сӯҳбати телефонӣ бо Доналд Трамп пешниҳод кардааст.
Қаблан вазорати корҳои хориҷӣ гуфта буд, ки амалиёти Руссия дар ҳалли сулҳ дар Украина ба чӣ нигаронида шудааст.