Аз якуми январи соли 2026 Ӯзбекистон барои ҳамаи шаҳрвандони Амрико, ки ба ин кишвари Осиёи Марказӣ ташриф меоранд, низоми бидуни раводидро ба мӯҳлати 30 рӯз ҷорӣ мекунад. Дар ин бора УзА бо истинод ба фармони дахлдори Президенти ҷумҳурӣ Шавкат Мирзиеев хабар додааст.
Тибқи иттилои оҷонсии иттилоотӣ, сарвари давлат ин санадро рӯзи 3 ноябр имзо кард. Гуфта мешавад, ки мақсад фароҳам овардани шароит барои рушди минбаъдаи муносибатҳои тиҷоратию иқтисодӣ ва фарҳангӣ-гуманитарӣ байни Ӯзбекистон ва ИМА, инчунин рушди сайёҳӣ мебошад.
Дар айни замон, дар ин ҷумҳурии Осиёи Марказӣ ба шаҳрвандони амрикоии то 55-сола, ки бо мақсади сайёҳӣ ворид мешаванд, ҳуқуқи вуруд ба кишварро бидуни ҳуҷҷатҳои иловагӣ медиҳад. Ин меъёр аз соли 2021 амал мекунад.
Тибқи фармони нави Президент, аз соли нав, низоми бидуни раводид ба ҳамаи сокинони ИМА, новобаста аз синну сол ва сабабҳои сафар, дахл дорад.
Ӯзбекистон визаро бо Амрико бекор кард
Блоки рекламавӣ
