Ӯзбекистон ва Қазоқистон лоиҳаҳои нави муштаракро оғоз карданд

“Президенти Ӯзбекистон Шавкат Мирзиёев ва ҳамтои қазоқистонии ӯ Қосим-Ҷомарт Токаев, ки бо сафари расмӣ дар Тошканд буд, ба лоиҳаҳои нави муштарак дар соҳаҳои афзалиятнок ба маблағи умумии 1,3 миллиард доллар оғоз бахшиданд” – хабар додааст хадамоти матбуотии раҳбари Ӯзбекбекистон.
Дар доираи сафари Токаев ба Тошканд ҷаласаи шӯрои олии байнидавлатӣ баргузор гардид. Пас аз чорабинӣ Мирзиёев ва меҳмони вай дар маросими оғози лоиҳаҳои бузурги муштарак иштирок карданд. Аз ҷумла, сухан дар бораи кушодани Маркази байналмилалии кооперасияи саноатии “Осиёи Марказӣ” меравад. Ин ташаббус барои амиқ кардани робитаҳои тиҷоратии байни давлатҳо ва ташаккули занҷирҳои муосири арзиши иловашуда пешбинӣ шудааст.
Илова бар ин, дар Тошканд дафтари марказии бонки “Тенге” – и Қазоқистон пайдо шуд. Президентҳо ба сохтмони маркази бисёрсоҳавии логистикаи Silkway Central Asia, иншооти истеҳсолии истеҳсоли алкилбензоли хаттӣ, бунёди маҳаллаи “Астана” дар Тошканди Нав, инчунин маҷмааҳои меҳмонхонаҳо дар пойтахтҳои ҳарду ҷумҳурӣ оғоз бахшиданд.
Дар баробари ин, барномаи васеи кооперасияи саноатӣ ба маблағи беш аз 8 миллиард доллар таҳия карда шуд, ки лоиҳаҳои соҳаи химия, геология, инфрасохтор, логистика, бахши аграрӣ ва ғайраро дар бар мегирад.
Мирзиёев ва Токаев қайд карданд, ки аз аввали соли ҷорӣ гардиши мол 15 фоиз афзуда, қариб ба 4 миллиард доллар расидааст. Дар назар аст, ки нишондиҳанда то соли 2030 ба 10 миллиард доллар расонида шавад. Шумораи корхонаҳои муштарак низ меафзояд, имрӯз тақрибан 6,5 ҳазор чунин ширкатҳо фаъолият мекунанд.