Вазорати шуғли аҳолӣ ва коҳиши камбизоатии Узбекистон дар мавриди аксе, ки дар шабакаҳои иҷтимоӣ паҳн шудааст, изҳори назар кардааст. Дар ин акс марде, ки гуфта мешавад раиси як ноҳияи вилояти Самарқанд аст, дар як конфронси онлайнӣ як кормандзанро рӯи зонуҳояш шинондааст. Дар ин бора Podrobno.uz хабар додааст
Ба иттилои ин ниҳод, шартномаи меҳнатӣ бо афроди дар ин ҳодиса дастдошта қатъ шудааст. Вазорат таъкид кардааст, ки чунин рафтор хилофи меъёрҳои одоби хидматӣ буда, принсипи таҳаммулпазирии сифр нисбат ба нақзи интизом дар низом татбиқ мешавад. Дар бораи кай ба вуқӯъ пайвастани ин воқеа ва ин мансабдор дар кадом вазифа кор кардааст, маълумоте нест.
Қаблан раиси як сохтори мушобеҳ дар вилояти Андиҷон низ ба ҳамин гуна моҷаро дучор шуда буд. Пас аз пайдо шудани наворе, ки ӯ дар утоқи кориаш кашидани маводи мамнӯъро нишон медиҳад, ӯро аз кор барканор карданд.
