ВТБ Қазоқистон ҳам таҳти таҳрими Иттиҳоди Аврупо қарор гирифт

Бонки ВТБ Қазоқистон, филиали бонки русии ВТБ таҳти таҳримҳои нави Иттиҳоди Аврупо, ки дар доираи бастаи 19 ҷорӣ карда шуданд, қарор гирифт. Чораҳои маҳдудкунанда алайҳи ин ташкилоти қарзӣ аз 2 декабри соли 2025 амал мекунанд.
Тибқи маълумоти Бонки Миллӣ, Бонки ВТБ дар Қазоқистон аз рӯи дороиҳо дар бозор дар ҷои 21-ум қарор дорад. Нишондиҳандаи он дар 1 сентябр 238,7 млрд.танга (4 443,6 млн) – ро ташкил медод.
Тобистони соли 2024, Идораи назорати дороиҳои хориҷии Вазорати молияи ИМА (OFAC) рӯйхати шахсони воқеӣ ва ҳуқуқиро нашр кард, ки кор бо онҳо барои ташкилотҳо хатари таҳримҳои дуюмдараҷаро ба бор меорад. Дар байни онҳо ВТБ Қазоқистон ҳам буд.
Се бонки дигари Қазоқистон, ки ба саҳмдорони Руссия тааллуқ доштанд, Сбербанк Қазоқистон, Альфа Бонк ва Home Credit Bank низ бо мушкилот рӯ ба рӯ шуданд. Аввалинро холдинги “Байтерек” харид ва Bereke Bank номгузорӣ кард ва баъдтар ба lesha Bank аз Қатар фурӯхт. Харидори дуюм Бонки ТсентрКредит буд ва 75% саҳмияҳои Home Credit аз ҷониби менеҷерони болоии корпорасияи байналмилалии сармоягузорӣ ва молиявии PPF бо роҳбарии Иржи Шмейтс харидорӣ карда шуданд (ҳоло ин бонк ба манфиати ForteBank фурӯхта мешавад). Дар натиҷа, Втб Қазоқистон ягона бонке буд, ки то соли 2022 ба соҳибони русӣ тааллуқ дошт, ки саҳмдорон ва профили фаъолияти худро иваз накард. Ташкилоти қарзӣ ба ҳамроҳии амалиёти тиҷоратии байни Қазоқистон ва Руссия тамаркуз кард.
Як қатор ширкатҳои қазоқистонӣ қаблан дар рӯйхати таҳримоти Иттиҳоди Аврупо ва ИМА қарор доштанд. Дар моҳи сентябр, агентии Bloomberg навишт, ки Иттиҳоди Аврупо бори аввал имкони татбиқи таҳримҳои дуюмдараҷаро нисбати Қазоқистон баррасӣ мекунад, аммо ин ҳанӯз рух надодааст.
Таҳримҳои нави Аврупо ба дигар бонкҳои Осиеи Марказӣ, аз ҷумла ба “Толубай” ва “Бонки амонатгузории Авруосиё”, “Душанбе сити банк”, “Спитамен” ва “Коммертсбанк Тоҷикистон”таъсир расониданд. Барои онҳо маҳдудиятҳо 12 ноябр эътибор пайдо мекунанд.