ВКД Қазоқистон пешниҳод кард, ки фурӯши машрубот маҳдуд карда шавад

Вазорати корҳои дохилии Қазоқистон пешниҳод кард, ки як қатор маҳдудиятҳо барои фурӯши машрубот дар ҷумҳурӣ ҷорӣ карда шаванд. “Инро дар палатаи поёнии парлумон вазири корҳои дохила Ренан Саденов пешниҳод кард” – хабар медиҳад Tengrinews.kz.
БА гуфтаи мансабдор, Вазорати корҳои дохилӣ пешниҳод кардааст, ки машрубот танҳо дар алкомаркетҳо фурӯхта шаванд. Ғайр аз он, вазорат мехоҳад фурӯши машруботро тавассути интернет комилан манъ кунад ва инчунин қоидаҳои додани иҷозатномаҳоро сахттар кунад ва шумораи онҳоро маҳдуд намояд. Вазири ВКД дар бораи маҳдудиятҳо дар муассисаҳои фароғатӣ низ зикр кард. “Зарурати маҳдуд кардани вақти фурӯши спирт дар муассисаҳои фароғатӣ низ ба миён омадааст. Дар маҳалҳои фароғатӣ дар ҳолати мастӣ зиёда аз 1400 ҷиноят, аз ҷумла се куштор содир шудааст” – гуфт ӯ.
Аммо ба гуфтаи Саденов, баъзе мақомоти давлатӣ имрӯз ин чораҳоро дастгирӣ намекунанд: “Ман фикр мекунам, ки дар ин ҷо, пеш аз ҳама, бояд аз манфиатҳои ҳифзи ҳаёт ва саломатии шаҳрвандони мо дар мадди авал истад”- гуфт вазир.
Саденов илова кард, ки дар кишвар норасоии ҳушёрхонаҳо вуҷуд дорад. Дар маҷмӯъ 38 ҳушёрхона барои 699 ҷойи хоб фаъолият мекунанд. Дар назар буд, ки 32 маркази иловагӣ кушода шавад, аммо ин кор дар шашсмоҳа ба анҷом нарасидааст. Илова бар ин, ба гуфтаи вазир, норасоии муассисаҳои махсуси табобатӣ барои нашъамандон қайд карда мешавад. Дар кишвар ҳамагӣ 20 клиника кушода шудааст ва 14 клиникаи дигар бояд кушода шавад.
Дар Қазоқистон қоидаҳои фурӯши нӯшокиҳои спиртӣ дар якчанд марҳила сахттар карда шуданд. Соли 2014 дар кишвар фурӯши спирт маҳдуд карда шуд. Фурӯши нӯшокиҳои сахт дар мағозаҳо аз соати 21:00 то 12:00 манъ карда шуд ва
нӯшокиҳои камалкоголӣ аз соати 23:00 то 08:00 фурӯхта намешаванд.
Дар соли 2020 фурӯши машрубот ба шахсони то 21-сола манъ карда шуд (то ин маҳдудиятҳо танҳо ба онҳое дахл доштанд, ки ҳаждаҳсола буданд).