“Кристи Ноэм аз вазифаи сардори вазорати амнияти дохилии ИМА истеъфо дод”, – гуфт Президенти кишвар Доналд Трамп. Ба ҷои ӯ аз 31 март сенатори ҷумҳурихоҳ аз иёлоти Оклахома Маркуэйн Маллин таъин карда шуд.
Трамп ба Ноэм барои кор дар вазифаи вазири амнияти дохилӣ ташаккур гуфт. Ба гуфтаи ӯ, вай “хуб хизмат кард ва ба натиҷаҳои зиёди таъсирбахш (хусусан дар марз) ноил шуд”.
Пас аз ба итмом расидани мӯҳлати ваколат, Ноэм тибқи изҳороти президент, вазифаи фиристодаи махсусро ишғол мекунад, ки ин як сохтори нав дар ҳукумати ИМА мебошад.
Кристи Ноэм яке аз аъзои машҳури дастаи Доналд Трамп дар давраи дуюми президентиаш мебошад. Вай сиёсати пешгирифтаи президентро барои сахттар кардани сиёсати муҳоҷират дастгирӣ кард. Дар давраи Ноэм кормандони полиси муҳоҷират ва гумрук (ICE, бахши вазорати амнияти дохилӣ) дар давоми рейдҳо чанд нафарро куштанд. Дар байни кушташудагон ду сокини Миннеаполис ва шаҳрвандони ИМА Рене Гуд ва Алекс Претти буданд. Ҳалокати онҳо эътирозҳои оммавӣ ва танқиди шадидро ба ин идораҳ, Ноэм ва маъмурияти Трамп ба бор овард.
Ноэм ҳам аз ҷониби демократҳо ва ҳам аз ҷониби ҷумҳурихоҳон ба истеъфо даъват карда шуда буд.
Вазири амнияти дохилии ИМА аз вазифа барканор шуд
Блоки рекламавӣ
