Украина: Сарбозони чинӣ оянд, ё наоянд?

“Президенти ИМА Доналд Трамп пешниҳоди ҷойгиркунии қувваҳои сулҳҷӯи Чинро дар Украина дастгирӣ мекунад” – хабар додааст Financial Times бо истинод ба манбаъҳои худ. Пешниҳоди ҷойгиркунии сарбозони сулҳҷӯи чинӣ дар Украина ҳамчун чораи таъмини амнияти он пас аз анҷоми низоъ бо Русия дар аввал аз ҷониби Маскав пешниҳод шуда буд, қайд мекунад расона.
Вазири корҳои хориҷии Руссия Сергей Лавров қаблан изҳор дошта буд, ки кафолатҳои амниятии Украина бояд бо иштироки Чин, ИМА, Бритониё, Фаронса баробар таъмин карда шаванд. Дар баробари ин, ӯ таъкид кард, ки бе Руссия ин масъала ҳал карда намешавад.
Дар бораи иштироки эҳтимолии нерӯҳои мусаллаҳи сулҳҷӯи Чин дар дар Украина рӯзномаи олмонии Welt am Sonntag хабар дод. Аммо намояндаи расмии Вазорати корҳои хориҷии Чин Линь Цзянь ин пешниҳодҳоро рад карда, илова карда буд, ки “мавқеи Чин дар масъалаи Украина равшан аст”.
Президенти Украина Владимир Зеленский зидди иштироки Чин дар таъмини кафолатҳои амниятӣ баромад карда буд.