Тӯҳфаи Трамп: дастпӯшак!

ИМА таҳримҳоро аз “Белавиа” бардошт, дар посух Лукашенко 50 нафар маҳбусро афв кард.
Александр Лукашенко дар Минск намояндаи Доналд Трамп Ҷон Коулро қабул намуд. Президенти Амрико ба Президенти Беларус тӯҳфаи Трамп дастпӯшакҳоро супорид. Лукашенко ваъда дод, ки”дар қарз намемонад”. Вай инчунин номаи Трампро хонд ва таъкид кард, ки “дар байни сатрҳо ҳарфи ӯро хонда метавонад”. Коул изҳор дошт, КИ ИМА мехоҳад сафораташро ба Минск баргардонад ва Вашингтон таҳримҳои ширкати ҳавопаймоии “Белавиа” – ро бекор мекунад.
Ёдовар мешавем, ки 11 сентябр намояндаи Президенти ИМА Ҷон Коул бо супориши Доналд Трамп ба Беларус омад. Дар ҷараёни мулоқот, ки дар Минск баргузор шуд, Президенти Беларус Александр Лукашенко ба Президенти ИМА барои талошҳои сулҳҷӯёна, ки ба гуфтаи ӯ, ҳеҷ як раҳбари дигари Амрико анҷом надодааст, изҳори сипос намуд.
Коул дар навбати худ изҳор дошт, ки Вашингтон таҳримҳоро аз ширкати ҳавопаймоии “Белавиа”-и Беларус бардоштааст. “Қарор аллакай аз ҷониби ҳамаи идораҳои дахлдори ИМА, аз ҷумла Департаменти давлатӣ, вазорати савдо, вазорати молия тасдиқ ва мувофиқа карда шудааст”, – илова намуд ӯ.
ИМА парвозҳоро ба Беларус ва Руссия дар ҳавопаймоҳои ба ҷумҳурӣ тааллуқдошта, назоратшаванда е истифодашавандаи он, ки дар ИМА истеҳсол шудаанд, ҳанӯз моҳи апрели соли 2022 манъ карда буд. Дар моҳи июн, вазорати савдои ИМА таҳримҳоро нисбати “Белавиа”шадидтар кард.
“Ман мехоҳам расман изҳор намоям, ки мо таҳримҳоро аз “Белавиа” бардоштем. Ин расмӣ аст. Қарор аз ҷониби Президент Трамп қабул карда шуд, ки гуфт: “инро фавран иҷро кунед”. Дар ҷараёни мулоқот Коул инчунин изҳор дошт, ки ИМА “бисёр мехоҳад” муносибатҳои Амрико ва Белорусро ба эътидол орад ва дар ояндаи наздик сафораташро ба Минск баргардонад.
“Бекор кардани таҳримҳо, ки мо ҳоло дар ин вохӯрӣ эълон кардем, танҳо ибтидо аст. Ва, агар мо дар ҷараёни муҳокимаи худ ба қарорҳои дуруст бирасем, вохӯрии мо дар бораи боқимонда маҳбусон самар медиҳад. Ман фикр мекунам, ки мо метавонем дар роҳи ба эътидол овардан ба бисёр чизҳо ноил шавем” гуфт Коул. Лукашенко дар натиҷаи гуфтушунидҳо эълон кард, ки 52 маҳбусро афв кардааст. Ин қарор бо дархости Трамп қабул гардид.
Дар байни дигарон, раҳбари Беларус Николай Статкевичро, ки соли 2010 номзад ба мақоми президентӣ буд, афв кард. Вай раҳбари ҳизби “ҷамоати халқӣ” аст. Ҳоло сиёсатмадор аз тарки Беларус сарпечӣ мекунад.
“Ин драмаи воқеӣ аст, Зеро Николай Статкевич аз тарки Беларус қатъиян сарпечӣ кард. Кӯшиш мекунанд, ки ӯро аз байн баранд” – гуфтааст мушовири Тихановская,- Франак Вечерко Ба Reuters: “Вай кӯшиш кард, ки ба Беларус баргардад, аммо ӯро дар сарҳад боздоштанд.”
Тибқи маълумоти “Вясни”, дар наздикии нуқтаҳои сарҳадӣ Владимир Матскевич, Максим Винярский ва Геннадий Фединич низ ҳастанд.
Дар байни афвшудагон 14 хориҷӣ, – шаш шаҳрванди Литва, ду шаҳрванди Латвия, Лаҳистон ва Олмон, як нафар шаҳрванди Фаронса ва як нафар шаҳрванди Бритониё мебошанд.