Трамп: Зарбаҳои Украина ба “Дӯстӣ” маро ба хашм овард

“Президенти ИМА Доналд Трамп ба сарвазири Маҷористон (Венгрия) Виктор Орбан гуфт, ки аз зарбаҳои Украина ба лӯлаи нафти “Дружба” хеле хашмгин аст”, – хабар медиҳад дафтари сарвазири Маҷористон.
Номаи сарвазир ба Трамп бо посухи президенти ИМА, дар расонаҳои Маҷористон пайдо шуд. Дар Он Орбан ҳамлаҳоро ба “Дӯстӣ” қисса мекунад:”Панҷ рӯз пеш, пеш аз мулоқоти таърихии президентҳо Трамп ва Путин, Украина ба лӯлаи нафти “Дӯстӣ” дар Русия бо дронҳо зарба зад. Маҷористон Украинаро бо барқ ва бензин таъмин мекунад ва дар ивази он ба лӯлае, ки моро таъмин мекунад, зарба мезананд. Қадами бениҳоят дӯстона!”- навиштааст сарвазири Маҷористон.
Вай таъкид кардааст, ки Маҷористон ва Словакия дигар манбаъҳои нафти хом надоранд.
Ҷавоби Трамп аз даст навишта шудааст. Дар он гуфта мешавад: “Виктор! Аз шунидани ин хабар сахт нороҳат шудам. Ман хеле хашмгинам.” Дар бораи он, ки Украина ба лӯлаи нафт, ки ашёи хомро ба Маҷористон ва Словакия мерасонад, зарба задааст, субҳи 22 август маълум шуд. Будапешт тахмин мезанад, ки кори лӯлаи нафт ҳадди аққал панҷ рӯз қатъ шудааст.
“Дӯстӣ” аз вилояти Брянск мегузарад. Шаби 22 август нерӯҳои мудофиаи ҳавоӣ қариб даҳ дронро дар болои ин вилоят минтақа заданд. Губернатор Александр Богомаз хабар додааст, ки қувваҳои мусаллаҳи Украина ба объекти инфрасохтори сӯзишворӣ дар ноҳияи Унеч ҳамла кардааст.
Мулоқоти Путин ва Трамп 15 август дар пойгоҳи Элмендорф-Ричардсон, дар Аляскаи Амрико баргузор шуда буд. Чанде пеш аз ин, шаби 13 август, вазири корҳои хориҷии Маҷористон Петер Сийярто дар бораи зарбаи ҷониби Украина ба лӯлаи нафт хабар дод. Орбан борҳо аз мавқеъгирии Трамп пуштибонӣ карда, пирӯзии ӯро дар интихобот имкони барқарор кардани дӯстии ИМА ва Маҷористон номид. Ин ду роҳбар мунтазам дар тамос буда, роҳҳои ҳалли низоъ дар Украина ва масъалаҳои амнияти Аврупоро муҳокима мекунанд.