Трамп мулоқоташро бо Зеленский дар Вашингтон тасдиқ кард

Пас аз Шарқи Наздик Президенти ИМА ният дорад, ки ба масъалаи Украина рӯй орад.
Трамп тасдиқ кард, ки ӯ ин ҳафта бо Зеленский мулоқот мекунад. Тавре рӯзномаи The New York Post хабар дод, Зеленский бо истинод ба сафорати Украина аз кохи Сафед даъвати расмӣ барои боздид аз ИМА гирифт.Муноқишаи мусаллаҳона байни Исроил ва ҳаракати фаластинии “ҲАМОС” ба охир расид, бинобар ин ҳоло вақти ҳалли бӯҳрони Украина аст, гуфт Президенти Амрико.
Ҳангоми суханронӣ дар Кнессети Исроил, ӯ ба фиристодаи амрикоиаш оид ба ҳалли низоъ дар минтақаи Ғазза Стив Уиткофф муроҷиат карда гуфт:
“Аввал мо бояд масъаларо бо Руссия анҷом диҳем. Мо бояд ин масъаларо ҳал кунем. Агар шумо зид набошед Стив, биёед ба Руссия диққат диҳем”.
Зеленский қаблан дар бораи нақшаҳои мулоқоташ бо Трамп дар Вашингтон рӯзи ҷумъа, 17 октябр хабар дода буд:
“Ман ин ҳафта дар Вашингтон бо Президент Трамп мулоқот мекунам. Ман фикр мекунам, ки мо бояд пайдарпаии қадамҳоеро, ки мехоҳам ба Президент пешниҳод кунам, муҳокима кунем” – гуфтааст Владимир Зеленский.
Илова бар ин, Президентҳои Украина ва ИМА дар ду рӯз бори дуюм сӯҳбати телефонӣ карданд.
Ҳайати украина аллакай ба ИМА сафар кардааст. Зеленский хабар дод, ки сарвазир Юлия Свириденко, раиси дафтари Президент Андрей Ермак, котиби Шӯрои амният Рустам Умаров ва баъзе намояндагони бахши дипломатӣ ба он ҷо рафтанд. Онҳо як қатор вохӯриҳо хоҳанд дошт.