Президенти Амрико Доналд Трамп афви Президенти собиқи Гондурас Хуан Орландо Эрнандесро эълон кард, ки барои ҷиноятҳои марбут ба гардиши ғайриқонунии маводи мухаддир ва силоҳ муддати тӯлониро дар ҳабс мегузаронад.
Дар ин бора Трамп дар шабакаи иҷтимоии truth social хабар дод ва Президенти пешини Гондурасро бо афв табрик кард.
Хуан Орландо Эрнандес аз соли 2014 то 2022 Президенти Гондурас буд.
Иттифоқчии собиқи Амрико камтар аз ду сол пеш дар Ню – Йорк бо иттиҳоми воридоти кокаин ба Амрико ва соҳиби “таҷҳизоти марговар”, аз ҷумла пулемёт маҳкум шуда, 45 сол зиндонӣ шуд.
Президенти собиқи Гондурас ин иттиҳомотро рад кард ва дар додгоҳ бегуноҳии худро эълон кард.
Дар давраи президентии Хуан Орландо Эрнандес, Гондурас аз ИМА беш аз 50 миллион доллар барои мубориза бо гардиши ғайриқонунии маводи мухаддир ва миллионҳо доллар барои кӯмаки низомӣ ва амниятӣ гирифт.
Дар соли 2019, Доналд Трамп дар нахустин давраи президентии худ ба Эрнандес барои “ҳамкории зич бо ИМА” ташаккур гуфт. Хуан Орландо Фернандес инчунин ба ҷаноби Трамп ва мардуми Амрико барои дастгирии онҳо дар “ҷанги қатъӣ бо гардиши ғайриқонунии маводи мухаддир” ташаккур гуфт. “
Трамп Эрнандесро афв кард
Блоки рекламавӣ
