Трамп: Испанияро аз НАТО берун кунед!

Президенти ИМА бо ин кишвари аврупоӣ чӣ даъво дорад?
Трамп гуфт, ки меарзад то Испанияро аз НАТО берун кунанд, зеро ин кишвари аврупоӣ намехост хароҷоти мудофиаро то панҷ фоиз зиёд кунад. “Мо як ақибмонда дорем ин Испания аст. Шояд ростӣ ин давлат аз НАТО хориҷ карда шавад” – навиштааст моҳи июн расонаи Bloomberg аз қавли Трамп. Испания аз ҳадафи хароҷоти мудофиа дар ҳаҷми панҷ фоизи ММД,ки НАТО муқаррар кардааст, озод карда шудааст. Ба гуфтаи сарвазири ин кишвар Педро Санчес, “Испания хароҷоти мудофиаро то 2,1 фоизи ММД зиёд мекунад. На бештар ва на камтар”. Вай афзуд, ки Мадрид омода аст ҳадафҳои шӯҳратпарастонаи Иттиҳоди Аврупоро оид ба силоҳҳои нав ва шумораи сарбозон иҷро кунад, аммо тибқи нақшаи муқаррарнамудаи блоки низомӣ ӯҳдадории ҷудо кардани буҷетро ба зимма намегирад.
Пас аз ин, сарвари давлати Амрико изҳор дошт, ки ИМА Испанияро маҷбур мекунад, ки бо сабаби рад кардани афзоиши хароҷоти низомӣ барои НАТО то панҷ фоизи ММД, ба як созишномаи тиҷоратии дуҷониба, ки барои Испания номувофиқ аст, биравад . “Мо бо Испания дар бораи муомилоти тиҷоратӣ гуфтушунид мекунем. Биёед ин давлат ду баробар зиёд пардохт кунад. Ман дар ҳақиқат инро ҷиддӣ мегӯям “- гуфтааст Трамп.