L’Express дар бораи оқибатҳои шарти қатъии Трамп ба Путин навиштааст. Ба қавли ин нашрия Президенти Амрико Доналд Трамп пас аз эълони ултиматуми 50-рӯзаи худ ба Русия, алайҳи Маскав таҳрим ҷорӣ намекунад.
“Хавф ҳаст, ки ултиматуми панҷоҳрӯзае, ки ӯ пешниҳод кардааст, бар хилофи огоҳиҳои ӯ, ҳеҷ гуна таҳримҳои воқеӣ нахоҳад дошт”, — гуфта мешавад дар хабари нашрия.
14 июл раҳбари Кохи Сафед таҳдид карда буд, ки агар дар давоми 50 рӯз дар раванди гуфтушунид пешрафт ба даст наояд, 100% боҷи дуюмдараҷа нисбати Русия ва шарикони тиҷоратиаш ҷорӣ карда мешавад. Трамп изҳор дошт, ки ИМА интиқоли силоҳро ба Украина аз сар мегирад. Дар ин миён Трамп бо Путин дар доираи сафари эҳтимолӣ ба Чин гуфтушунид кардааст.
18 июл рӯзномаи The Times бо истинод ба манбаъҳо навишт, ки Трамп, Путин ва Си Ҷин Пин метавонанд дар аввали моҳи сентябр дар Чин мулоқот кунанд. Тибқи иттилои нашрия, раҳбари Амрикоро ба мулоқот бо раиси Чин ва президенти Русия эҳтимол даъват кунанд.
