Раиси вилояти Суғд Раҷаб Аҳмадзода дар шаҳри Бӯстон ба кӯдакони ятим ва аз оилаҳои ниёзманд либосҳои мактабӣ супорид.
Ба 20 нафар кӯдакони ятим ва аз оилаҳои ниёзманд аз номи Пешвои миллат муҳтарам Эмомалӣ Раҳмон сару либоси мактабӣ ва дигар лавозимоти хониш тақдим гардид, ки ин иқдоми инсондӯстона дар арафаи соли нави таҳсил боиси хушнудии кӯдакон гардид.
Зимни боздид аз гимназияи рақами 1-и шаҳри Бӯстон роҳбари вилоят бо хонандагони фаъол ва ғолибони озмуну олимпиадаҳо мулоқот намуда, ба онҳо низ туҳфаҳои хотиравӣ супорид.
Раиси вилоят таъкид кард, ки дастгирӣ ва ҳавасмандсозии чунин хонандагон ва омӯзгорони онҳо пайваста идома ёбад.
Блоки рекламавӣ
