Сӯиқасди навбатӣ ба ҷони Трамп?

Остин Мартини 21-сола аз Каролинаи шимолӣ дар наздикии қароргоҳи Трамп дар Мар-А-Лаго кушта шуд. Вай дар клуби голфбозӣ кор мекард ва асосан ба кашидани манзараҳо машғул буд: “Марде, ки аз ҷониби агентҳои хадамоти махфии ИМА дар Флорида, дар наздикии қароргоҳи Трамп дар Мар-А-Лаго кушта шудааст, ҳамчун Остин Такер Мартини 21 – сола аз шаҳри Камерон дар Каролинаи шимолӣ шинохта шудааст”, – менависад New York Post.
Оилаи Мартин, аз рӯи хабарҳои шабакаҳои иҷтимоӣ, ӯро аз шоми шанбе ҷустуҷӯ мекарданд. Модари Ӯ Мелисса Мартин дар саҳифаи худ дар бораи гум шудани писараш хабар додааст. Аксҳои худи Мартин дар шабакаҳои иҷтимоӣ, тавре ки New York Post менависад, шаҳодат медиҳанд, ки ӯ ба кашидани манзараҳои голф-майдонҳо шавқ дошт. Дар instagram-и ӯ як қатор акварелҳо ва нақшаҳои сиеҳ ва сафед нашр шудаанд, ки аксари онҳо зоҳиран хлуби голфии Email Ridge-ро дар тақрибан 15-20 мил шимоли хонаи ӯ дар Камерон тасвир мекунанд. Паёми охирин дар саҳифаи шабакаи ифтимоӣ се рӯз пеш гузошта шуда буд.
Бародарзодаи Мартин, – Брейден Филдс дар сӯҳбат бо Associated Press Мартинро ҳамчун “марди ором, ки аз силоҳ метарсид” тавсиф кардааст.