Вазири корҳои хориҷии Эрон, Аббос Ароқчӣ хабар додааст, ки оромӣ дар қаламрави Эрон барқарор шудааст.
Вазири корҳои хориҷии Эрон, Аббос Ароқчӣ, хабар дод, ки пас аз нооромиҳои ахир дар кишвар, ки ба гуфтаи ӯ таҳрики унсурҳои террористӣ бо пуштибонии Исроил ва ИМА буд, оромӣ дар саросари Эрон барқарор шудааст.
Дар ин бора presstv.ir хабар додааст.
Ба гуфтаи Ароқчӣ, бо ҳушёрии мардум ва нерӯҳои ҳифзи ҳуқуқ, вазъ таҳти назорат гирифта шуд. Ӯ гуфт, ки эътирозҳои аввали мардум осоишта буданд, аммо баъдтар ба хушунат табдил ёфтанд ва боиси марги чанд нафар ва хароб шудани масҷиду дигар иншоот гардид.
Ба иттилои манбаъ, Ароқчӣ таъкид кардааст, ки дахолати ИМА ва Исроил ба корҳои дохилии Эрон ногузир ва таҳрикдиҳанда буд, вале мардуми Эрон бо иродаи қавӣ ба дифоъ аз соҳибихтиёрӣ ва амнияти миллӣ омодаанд.
Субҳи Теҳрон ором аст
Блоки рекламавӣ
