Сокини Тошканд барои шикоят аз Трамп ҷарима шуд

Додгоҳи Тошканд ба як сокини Ӯзбекистон барои занги бардурӯғ ба милиса бо шикоят аз Президенти ИМА Доналд Трамп дар бораи рабудани Президенти Венесуэла Николас Мадуро 1,23 миллион сӯм (тақрибан 100 доллар) ҷарима тайин кард.
Тибқи маълумоти парванда, мард дар ҳолати мастӣ ба идораи умури дохилии Тошканд занг зада, хоҳиш кардааст, ки алайҳи Президенти ИМА ариза қабул кунад. Дар посух кормандони милиса ба ӯ пешниҳод карданд, ки барои пешниҳоди аризаи расмӣ ба идораи наздиктарин биёяд, аммо мард ҳозир нашудааст.
Дар мурофиаи судӣ мард гуноҳи худро эътироф карда, фаҳмонид, ки маст буду маънои муроҷиати худро дар хотир надорад ва оқибатҳои эҳтимолии амалҳои худро дарк накардааст.
Суд амалҳои ӯро тибқи моддаи 199 Кодекси маъмурии Ҷумҳурии Ӯзбекистон “Даъвати ошкоро бардурӯғ” тахассус дод ва ҷазоро дар шакли ҷарима дар ҳаҷми се андозаи асосии ҳисобшуда 1,23 миллион сӯм таъин кард.