СММ ба зарардидагони заминларза дар Афғонистон 5 миллион доллар ҷудо кард

“Идораи ҳамоҳангсозии масъалаҳои башардӯстонаи СММ барои таъмини сокинони вилоятҳои Шарқии Афғонистон, ки аз заминларзаи харобиовар зарар дидаанд, бо манзили муваққатӣ, хӯрокворӣ ва доруворӣ 5 миллион доллар ҷудо кард” – иттилоъ додааст хабаргузории Khaama.com.
СММ таъкид мекунад, ки бо вуҷуди мушкилоти дастрасӣ ба минтақаи офат, созмонҳои башардӯстона барои кӯмак ба афғонҳое, ки бехона ва бехӯрок мондаанд, тамоми кӯшишҳоро ба харҷ медиҳад.
Дар баробари ин, СММ аз хатари сел, ифлосшавии об ва норасоии манзил дар вилоятҳои Кунар ва Нангарҳор, ки аз заминларза зарар дидаанд, изҳори нигаронӣ кард, ки ин метавонад бӯҳрони башардӯстонаи минтақаро бадтар кунад. Таъкид мешавад, ки кишварҳои алоҳида ба даъвати ҳукумати толибон* барои рафъи оқибатҳои офати табиӣ ба Афғонистон маблағҳои иловагӣ пешниҳод намуданд. ҲАМИН ТАВР, БА гуфтаи СММ, аллакай давлатҳое чун Чин ва Ҳиндустон кумаки худро пешниҳод кардаанд.
Тибқи гузоришҳои расонаҳои Афғонистон, мақомоти Бритониё барои кӯмак ба сокинони Афғонистон як миллион фунт стерлинг ҷудо карданд. Бо ин маблағҳо тавассути бунёди СММ дар соҳаи аҳолӣ маҷмӯаҳои ёрии таъҷилии тиббӣ харидорӣ карда мешаванд, инчунин пул барои манзили муваққатӣ барои зарардидагони заминларза ва пардохти хидматҳои бригадаҳои мобилии табибон сарф карда мешавад.
Ҳаракати “Толибон” (мамнуъ дар Тоҷикистон) изҳор дошт, ки тамоми захираҳои мавҷударо барои амалиет дар минтақаи офат истифода мебарад. Аз ҷумла, барои дафн кардани кушташудагон ва кӯмак ба захмиён. Дар баробари ин, мақомоти кишвар шаҳрвандонро даъват карданд, ки бо таъмини хӯрок ва либос ба оилаҳои зарардида саҳми башардӯстонаи худро гузоранд.
Шаби 1 сентябр дар вилояти Кунари Афғонистон заминларзаи шадид рух дод