Бориши бошиддати барф ва фаромадани тарма ҳаракати нақлиётро махсусан дар роҳи мошингарди Душанбе-Чаноқ мушкилу хатарнок кардааст.
Оҷонсии обуҳавошиносӣ ҳушдор додааст, ки дар пайи боришоти зиёд дар рӯзҳои 6-9 уми феврал дар роҳҳои самти шимоли кишвар хатари лағзиши тарма зиёд хоҳад буд.
Ҳушдор дода шудааст, ки мусофирон ба хусус ҳангоми сафар ба минтақаҳои Майхура, Зиддеҳи Варзоб ва ноҳияҳои кӯҳӣ эҳтиёткор бошанд.
Дар ҳамин ҳол, ширкати IRS субҳи имрӯз хабар дод, ки дар километри 78-81-и роҳи Душанбе-Чаноқ, дар ҳудуди ноҳияи Айнӣ 7 тарма фаромадааст.
Ҳоло бартарафсозии тармаҳо идома дорад ва масъулини ширкат аз ронандаҳо хостаанд, то эълони навбатӣ дар бораи боз шудани роҳ, аз сафар дар ин масир худдорӣ кунанд.
Блоки рекламавӣ
