“Мо халқ ҳастем. Кишвар. Демократия. Инро эҳтиром кардан лозим аст. Хусусан бо дӯстони наздик ва содиқ. Иттифоқҳо ба эътимод асос ёфтаанд, ки эҳтиромро талаб мекунад. Таҳдидҳо, фишорҳо ва сӯҳбатҳо дар бораи ҳамроҳшавӣ байни дӯстон қобили қабул нестанд. Бо мардуме, ки борҳо масъулият, субот ва садоқатро нишон додаанд, чунин гуфтугӯ кардан мумкин нест. Кофӣ. Дигар фишор нест. Дигар ишорае нест. Дигар хаёлоти ҳамроҳшавӣ нест ” – гуфт Нилсен. Вай инчунин таъкид кард, ки Гренландия “барои муколама тайёр аст”, аммо бояд “тавассути каналҳои дуруст” ва “бо риояи ҳуқуқи байналмилалӣ” сурат гирад, на тавассути нашрияҳо ва шабакаҳои иҷтимоӣ.
Дар охир Нилсен таъкид кард: “Гренландия хонаи мо ва қаламрави мост. Ва ин минбаъд низ чунин хоҳад буд”.
Ба наздикӣ Президенти ИМА Доналд Трамп қайд кард, ки ИА барои таъмини мудофиаи худ ба Гренландия ва ИМА ниёз дорад, “Инчунин Гренландия ба таҳкими мудофиаи худи Иёлот кӯмак хоҳад кард”, – мегӯяд Трамп.
4 январ ҳамсари муовини раиси дастгоҳи кохи Сафед оид ба сиёсат Стивен Миллер, – Кэти Миллер дар шабакаи иҷтимоӣ харитаи Гренландияро бо рангҳои парчами Амрико нашр кард. Дипломати даниягӣ Йеспер Меллер дар посух ба ин аз ИМА даъват кард, ки тамомияти арзии кишварро эҳтиром кунад ва хотиррасон кард, ки Дания ва ИМА иттифоқчиён дар НАТО мебошанд.
Сарвазири Дания Мете Фредериксен дар навбати худ аз Трамп даъват кард, ки муҳокимаи ҳамроҳшавии ҷазираро қатъ кунад. Сарвазири Гренландия Нилсен қайд намудааст, ки аз тарсдиҳии Амрико набояд тарсид.
Қаблан гуфта шуда буд, ки имкон дорад Амрико барои расидан ба ҳадафаш дар Дания ҳукумат ва сохтори давлатдориро тағйир диҳад.
Сарвазир аз ИМА талаб кард ки орзуи ишғоли ҷазираро бас кунанд
Блоки рекламавӣ
