Мақомоти интизомии Тоҷикистон соли 2025 барои аз таҳсил дур кардани кӯдакону наврасон бештар аз 330 парванда кушоданд. Дар миёни онҳо волидоне ҳастанд, ки фарзандони худро ба Русия бурда, вале ба мактаб надоданд.
Прокурори генералӣ як сокини ноҳияи Спитаменро мисол оварда буд, ки ду фарзанди ноболиғашро ба Русия бурда, монеи таҳсили онҳо шуд. Теъдоде аз онҳое, ки фарзандони худро ба Русия бурдаанд, мегӯянд, дар ватан касе надоранд, ки фарзандонашонро сарпарастӣ кунад, аз ин рӯ ночоранд барои пешбурди зиндагӣ онҳоро низ бо худ баранд.
Дар Тоҷикистон барои монеъ шудан ба таҳсили фарзанд ҷаримаҳои бузург ва то ду соли зиндон ҷазо муқаррар шудааст.
Блоки рекламавӣ
