Reuters: эҳтимол сарбозони амрикоӣ ба мактаби кӯдакона дар Эрон зарба задаанд

“Эҳтимол зарба ба мактаби духтарони эронӣ дар шаҳри Минаби Эрон аз ҷониби низомиёни амрикоӣ зада шуда бошад” – ин хулосаҳои пешакии тафтишоти ҳодиса дар ИМА аст, ки ду мансабдори амрикоӣ Бо шарти нагуфтани номашон ба Reuters гуфтанд.
Мусоҳибони Reuters таъкид карданд, ки тафтишот ба анҷом нарасидааст ва маълумоти нав пайдо шуда метавонад, ки хулосаҳои пешакии даст доштани низомиёни амрикоиро тасдиқ намекунад, балки ба каси дигар ишора мекунад.
Манбаъҳои оҷонсӣ мушаххас накарданд, ки хулосаҳои пешакӣ дар бораи даст доштани низомиёни амрикоӣ, маҳз кадом аслиҳа истифода шудааст ва чаро зарба ба мактаби кӯдакона расонида шудааст.
Пештар the New York Times хабар дода буд, ки дар ҳамла ба мактаб низомиёни амрикоӣ даст доштанд. Нашрия нишон дод, ки ҳадафи нерӯҳои амрикоӣ пойгоҳи Корпуси посдорони инқилоби исломӣ (КСИР) дар Минаба буд ва зарба ба мактаб хато зада шуд.
Вазорати мудофиаи ИМА расман эълон кард, ки таҳқиқи ин ҳуҷумро идома медиҳад, аммо то ҳол ягон ҷузъиётро ошкор накардааст.
Мақомоти Эрон мегӯянд, ки рӯзи 28 феврал дар Натиҷаи зарба ба мактаби духтарона дар Минаба 165 нафар кӯдакон кушта шуданд.