“Мавқеи роҳбарияти Эрон бетағйир боқӣ мемонад ва он дар ҳолати фурӯпошӣ нест” – хадамоти ҷосусии ИМА ба чунин хулоса омадааст, менависад Reuters бо истинод ба манбаъҳояш.
Ба гуфтаи яке аз ҳамсӯҳбатони оҷонсӣ, бисёр гузоришҳои ҷосусӣ хулоса мебароранд, ки режими Эрон “назорати аҳолиро нигоҳ медорад”.
“Мақомоти Исроил ҳам дар ҷараёни вохӯриҳои пӯшида эътироф кардаанд, ки онҳо итминон надоранд, ки ҷанг боиси тағйири қудрат дар Эрон хоҳад шуд”, – гуфтааст мансабдори баландпояи Исроил ба Reuters.
Оҷонсӣ қайд мекунад, ки маълум нест, ки чӣ гуна маъракаи низомии Амрико ва Исроил метавонад ҳокимияти амалкунандаро дар Эрон сарнагун кунад. Яке аз ҳамсӯҳбатони Reuters пешниҳод кардааст, ки барои ин амалиёти заминӣ лозим аст.
Блоки рекламавӣ
