Референдум дар Қазоқистон

Дар Қазоқистон овоздиҳӣ дар раъйпурсӣ оид ба Конститутсияи нав ба анҷом расид. Иштирок аз 70% зиед аст. Савол дар бюллетен танҳо якто буд.
“Овоздиҳӣ дар раъйпурсии ҷумҳуриявӣ оид ба қабули Конститутсияи нави Қазоқистон ба анҷом расид, қитъаҳо соати 20:00 ба вақти маҳаллӣ баста шуданд. Тибқи маълумоти пешакӣ, бюллетенҳо ба 9 126 850 шаҳрванд дода шуданд, яъне иштирок 73,24% – и шумораи умумии интихобкунандагонро ташкил дод”, – менависад Informburo.kz. Сайт қайд мекунад, ки баландтарин иштирок дар интихоботи президентии соли 2019 буд, ки 77,5% шаҳрвандон ба участкаҳо омада буданд.
Ин маънои онро дорад, ки раъйпурсӣ аллакай баргузоршуда аст фақат муҳим ин буд то зиёда аз нисфи ҳамаи интихобкунандагон овоз диҳанд.
Натиҷаҳо пас аз нисфи шаб маълум мешаванд ва маълумоти ниҳоии иштирок пас аз баста шудани ҳамаи қитъаҳои берун аз кишвар маълум мегардад. Охирин қитъа дар Сан-Франсиско соати 8:00 рӯзи 16 март баста мешавад.
Комиссияҳои участкавӣ аллакай ба ҳисобкунӣ шурӯъ кардаанд. Вақти ҳисобкунӣ тибқи қонун набояд аз 12 соат аз оғози он зиёд бошад.
Конститутсияи нав танҳо дар 22 рӯз таҳия карда шуд. Он ба сохтори давлатӣ тағйироти калон ворид мекунад. Масалан, қудрати президентро тақвият медиҳад, ҳуқуқи маҳаллиро аз ҳуқуқи байналмилалӣ болотар мегузорад, барои ҳизбҳои сиёсӣ қабули маблағгузории хориҷӣ манъ мекунад, мафҳуми издивоҷро ҳамчун иттифоқи байни мард ва зан мустаҳкам менамояд ва инчунин ба доираи истифодаи забони русӣ дахл мекунад.
Тағйирот ба 84% ҳамаи моддаҳои Конститутсияи мавҷуда дахл дорад, аммо ҳангоми овоздиҳӣ дар назди интихобкунандагон танҳо як савол буд: “Ое Шумо Конститутсияи нави Ҷумҳурии Қазоқистонро қабул мекунед, ки лоиҳаи он дар воситаҳои ахбори омма 12 феврали соли 2026 нашр шудааст?». Интихобкунандагон танҳо барои тамоми ҳуҷҷат овоз дода метавонистанд, на барои ислоҳоти алоҳида ё зидди як банди он.