Politico: ИА намояндаеро барои гуфтушунид бо Руссия таъин мекунад

Ҳукуматҳои кишварҳои аврупоӣ аз роҳбарияти Иттиҳоди Аврупо даъват мекунанд, ки намояндаи алоҳидаро барои гуфтушунид бо Руссия оид ба ҳалли моҷарои Руссия ва Украина таъин кунанд, зеро метарсанд, ки Вашингтон бе онҳо бо Маскав созишнома мебандад. Дар ин бора Politico бо истинод ба дипломатҳо ва мансабдорон хабар медиҳад.
Тарафдорони ин нақша, аз ҷумла, Фаронса ва Италия мебошанд. Онҳо дастгирии Комиссияи Аврупо ва чанд кишвари дигарро ба даст оварданд.
Тибқи иттилои Politico, аврупоиҳо дар бораи вазифаҳо ва ваколатҳои музокиракунанда ихтилофи ҷиддӣ доранд. Ғайр аз он, ҷанбаҳои дигари ин вазифа бояд кор карда шаванд — масалан, оё музокиракунанда танҳо ИА ё тамоми “эътилофи хоҳишмандон”, аз ҷумла Бритониё ва дигар кишварҳоро намояндагӣ мекунад. Чор дипломат дар сӯҳбат бо нашрия қайд карданд, ки номзадии Президенти Финляндия Александр Стубб ҳамчун намояндаи эҳтимолии Аврупо дар гуфтушунидҳо бо Вашингтон ва Маскав баррасӣ мешуд.
Музокирот дар бораи таъини намояндаи ИА дар пасманзари даъватҳои Президенти Фаронса Эммануэл Макрон ва Сарвазири Италия Ҷорҷӣ Мелони барои оғози сӯҳбат бо Руссия сурат мегирад: “Макрон дар рӯзҳои охир исрор кард, ки дар партави музокироти дуҷониба байни амрикоиҳо ва русҳо аврупоиҳо ҳадди аққал қисман дар онҳо иштирок кардан муҳим аст. Мелони инро дастгирӣ кард. Онҳо соддалавҳ нестанд, ки дар ин музокирот ба чӣ ноил шудан мумкин аст, аммо дар баъзе пойтахтҳо фаҳмиши манфиатҳои иштирок дар музокирот меафзояд” – гуфтааст як мансабдори фаронсавӣ ба Politico. Макрон 19 декабр изҳор дошт, ки барои Аврупо “барқарор кардани муколама бо президенти Руссия Владимир Путин муфид хоҳад буд”. Президенти Фаронса бар ин назар аст, ки аврупоиҳо бояд роҳҳои ин корро дар ҳафтаҳои наздик пайдо кунанд. Дар посух, Кремл изҳор дошт, ки Путин барои муколама бо Макрон омода аст. Дар маъмурияти Макрон омодагии Маскавро истиқбол карданд ва изҳор доштанд, ки дар рӯзҳои наздик “дар бораи роҳи беҳтарини амалҳои минбаъда қарор қабул мекунанд”.
Ҷорҷ Мелони дар аввали соли ҷорӣ гуфт, ки вақти он расидааст, ки Аврупо бо Руссия музокирот оғоз кунад, аммо барои ин бояд мавқеи умумиро барои ҳамаи кишварҳо таҳия бояд кард.