Рақибони дастаи миллии Тоҷикистон оид ба футзал дар қисми ниҳоии Ҷоми КФО-2026, ки дар Индонезия баргузор мешавад, маълум гардиданд.
Тавре аз Федератсияи футболи Тоҷикистон хабар додаанд, пас аз қуръакашии Ҷоми Осиё-2026 дастаи мунтахаби Тоҷикистон дар гурӯҳи «С» ҷойгир шуда, бо дастаҳои Ҷопон, Ӯзбекистон ва Австралия бозӣ мекунад.
Дар қуръакашӣ шонздаҳ даста ба чор гурӯҳ – «А», «В», «С» ва «D» тақсим шудааст, ки ҳар кадоме аз чор даста иборатанд.
Ду дастаи беҳтарин аз ҳар гурӯҳ ҷуфтҳои даври чорякниҳоиро ташкил дода, барои медалҳо мубориза мебаранд.
Блоки рекламавӣ
