Қоҳир Расулзода дар ноҳияи Дӯстӣ

“29 август дар идомаи сафари корӣ ба вилояти Хатлон Сарвазири мамлакат Қоҳир Расулзода ба ноҳияи Дӯстӣ рафта, дар Ҷамоати деҳоти «Нури Вахш» бо рафти ҷамъоварии хосили пахта дар заминҳои ширкати «Ҷунтай Хатлон Син Силу» шинос гардид” – гуфтанд аз хадамоти матбуоти Раиси вилояти Хатлон.
Ширкати «Ҷунтай Хатлон Син Силу» дар 487 гектар замин пунбадона кишт карда, айни замон рафти ҷамъоварии ҳосили пахта хуб аст. Ҳосилнокӣ аз ҳар як гектар зиёда аз 40 сентнерӣ муайян карда шудааст.
Сарвазири мамлакат бо фаъолияти пойгоҳҳои обкашии №1 ҳам шинос шуд. Пойгоҳҳои обкашии №1 дар деҳаи Каёндеҳи Ҷамоати деҳоти Деҳқонобод ҷойгир буда, 10 пойгоҳи обкашӣ тамоми мавзеи Ғаравутӣ, ки зиёда 12 ҳазор гектар заминҳоро дар бар мегирад, бо об таъмин менамоянд.
Дар корхонаи истеҳсолии шифер ҳам, ки дар кӯчаи ба номи А.Каримови Ҷамоати деҳоти Ҷиликӯли ноҳияи Дӯстӣ сохта, ба истифода дода мешавад. Сохтмони корхонаи истеҳсоли шифери асбестӣ аз тарафи Ҷамъияти дорои масъулияти маҳдуд «Манзараҳои Вахш» дар соли 2025 оғоз шуд.
Дар корхона истеҳсоли 685400 дона шифер дар як сол ба нақша гирифта шудааст. Майдони умумии корхона ба микдори 0,45 гектар ва шумораи коргарон 45 нафар мебошад.
Баъди ба истифода додани корхона муассисон ба нақша гирифтанд, ки истеҳсоли лӯлаҳои обгузарро (кубурҳо) дар ҳаҷми гуногун истеҳсол намоянд.
Сарвазири мамлакат Қоҳир Расулзода иқдоми соҳибкорони ватаниро барои бунёди чунин иншооти саноатӣ муҳим арзёбӣ карда, таъкид намуд, ки бештар ба сифати маҳсулот таваҷҷуҳ зоҳир карда шавад.