29 сентябр дар шаҳри Мински Ҷумҳурии Беларус ҷаласаи навбатии Шурои сарони ҳукуматҳои кишварҳои аъзои Иттиҳоди Давлатҳои Мустақил баргузор гардид, ки дар кори он Сарвазири Ҷумҳурии Тоҷикистон Қоҳир Расулзода иштирок намуд.
Аз рӯи натиҷаҳои ҷаласа санадҳои ниҳоӣ, аз ҷумла стратегияҳо оид ба рушди илмию технологии Иттиҳоди Давлатҳои Мустақил барои солҳои 2026-2035, рушди ҷомеаи иттилоотӣ ва иқтисоди рақамӣ то соли 2035 ва рақамикунонии долонҳои асосии бисёрмодалии нақлиётии кишварҳои аъзои Иттиҳоди Давлатҳои Мустақил тасдиқ гардиданд.
Дар ин рӯз Сарвазири мамлакат Қоҳир Расулзода ҳамчунин дар Намоишгоҳи байналмилалии саноатии «ИННОПРОМ-Беларус-2025» иштирок ва суханронӣ кард:
«Мо барои беҳтар гардонидани фазои сармоягузорӣ пайваста ислоҳот мегузаронем, ки амалӣ намудани хизматрасонии электронӣ барои сармоягузорон, кам кардани раванди ҳуҷҷатгузорӣ ва таъмини шаффофият аз ин ҷумла аст», — гуфт Қоҳир Расулзода.
Қоҳир Расулзода дар Минск
Блоки рекламавӣ
