NYT: Музокироти ИМА ва Афғонистон дар бораи маҳбусон ба бунбаст афтод

Толибон* мехоҳанд тарҷумони Уссома бинни Лодинро озод кунанд, аммо Кохи Сафед мухолиф аст
“ИМА ва ҳукумати Толибон дар тӯли чанд моҳ дар бораи озод кардани амрикоиҳои дар Афғонистон боздоштшуда гуфтушунидҳои махфӣ анҷом доданд”, – менависад The New York Times бо истинод ба се манбаъ.
Аммо гуфтушунидҳо ба бунбаст дучор шуданд. Толибон исрор меварзанд, ки қисми ҳар як созишномаи оянда бояд озод кардани охирин маҳбуси афғон дар ИМА бошад, ки аз соли 2008 дар зиндони Гуантанамо нигоҳ дошта мешавад. Ин Муҳаммад Раҳим аст, ки дар кор ба раиси собиқи “Ал-Қоида” Усома бин Лодин ҳамчун хаткашон ва тарҷумон айбдор мешавад. ИМА инчунин бар ин назар аст, ки Раҳим дар бораи ҳамлаҳои “Ал-Қоида”маълумоти пешакӣ дошт.
Маъмурияти Доналд Трамп аз Толибон талаб мекунад, ки ҳадди аққал се амрикоиро озод кунанд. Мақомоти Афғонистон мегӯянд, ки онҳо танҳо ду нафар зиндонӣ аз Амрико доранд-олим Дэннис Уолтер Коил, ки моҳи январи соли 2025 боздошт шуда буд ва собиқ сарбози амрикоӣ Полинезис Ҷексон. Маҳалли иҷомати шаҳрванди сеюми ИМА Маҳмуд Ҳабибӣ, ки тибқи маълумоти ФБР дар соли 2022 дар Афғонистон боздошт шудааст, маълум нест, мегӯянд мақомоти Афғонистон.
Кохи сафед Афғонистонро дар “дипломатияи гаравгонҳо” айбдор мекунад. Вазири корҳои хориҷии Афғонистон Амирхон Муттакӣ изҳор дошт, ки ҳеҷ як асири амрикоӣ ҳамчун воситаи тиҷорат нигоҳ дошта намешавад. Ба гуфтаи вай, мақомоти Афғонистон мехоҳанд “дар ҳама соҳаҳо бо Иёлоти Муттаҳида пешрафт кунанд”, аз ҷумла дубора ба кор даровардани сафорати ИМА дар Кобул ва тақвияти ҳамкориҳои амниятӣ.
Ба гуфтаи музокиракунандагон, маъмурияти Трамп то он даме, ки ҳамаи шаҳрвандони боқимондаи ИМА дар озодӣ набошанд, ҳамкории минбаъдаи оммавиро баррасӣ намекунад. Як мансабдори баландпояи амрикоӣ илова кард, ки Муҳаммад Раҳим, сарфи назар аз талаботи Кобул, қисми ягон созишномаи оянда нахоҳад буд.
Моҳи августи соли 2021 “Толибон” дар Афғонистон қудратро ба даст гирифтанд ва ба зудӣ ИМА эълон кард, ки хуруҷи нерӯҳои худро аз кишвар ба анҷом расонидааст. Кохи сафед расман Ҳукумати “Толибон” – ро эътироф намекунад, аммо фиристодагони Амрико дар як соли охир чанд маротиба ба Афғонистон ташриф овардаанд, менависад NYT. Тибқи иттилои кохи Сафед, дар давраи дуюми Трамп ҳадди аққал чаҳор амрикоӣ аз асирӣ дар Афғонистон озод карда шуданд, ки ҳеҷ кадоме аз онҳо дар доираи мубодила нестанд.
Толибон* – ҳаракати мамнуъ дар Тоҷикистон