Вазорати Корҳои хориҷии Қазоқистон ба Украина дар робита ба ҳамла ба иншооти КТК эътироз кард. ВКХҚ “дар робита ба ҳамлаи навбатии мақсаднок” ба инфрасохтори муҳими консорсиуми қубурҳои Каспий (КТК) дар наздикии Новороссийск эътирози расмӣ нашр намуд.
“Ин ҳодиса сеюмин амали таҷовузкорона алайҳи як объекти танҳо шаҳрвандӣ мебошад, ки фаъолияти он бо меъёрҳои ҳуқуқи байналмилалӣ кафолат дода шудааст.
Қазоқистон ҳамчун иштирокчии масъули бозори ҷаҳонии энергетикӣ ҳамеша ҷонибдори нигоҳ доштани устуворӣ ва бефосилаи интиқоли энергия мебошад. Таъкид менамоем, ки КТК дар нигоҳ доштани устувории системаи энергетикии ҷаҳонӣ нақши муҳим мебозад. Мо ин ҳодисаро ҳамчун амале, ки ба муносибатҳои дуҷонибаи Ҷумҳурии Қазоқистон ва Украина зарар мерасонад, баррасӣ мекунем ва аз ҷониби Украина интизорем, ки барои пешгирии чунин ҳодисаҳо дар оянда чораҳои муассир андешад”, — гуфта мешавад дар изҳорот.
Вазорати энергетикаи Қазоқистон пас аз ин ҳодиса нафти содиротиро ба хатсайрҳои алтернативӣ равона кард.
Нотаи эътирозии Қазоқистон ба Украина
Блоки рекламавӣ
