“Президенти пешини Фаронса Николя Саркози рӯзи 21 октябр ба адои зиндон шурӯъ мекунад”, – хабар додааст RTL бо истинод ба манбаъ.
21 октябр Саркози ба зиндони Санте дар Париж, ки дар он бахше барои маҳбусони ба амният ниёздошта аст, равона мегардад” – гуфта мешавад дар расона. Додгоҳи Париж 25 сентябр Саркозиро дар доираи парвандаи маблағгузории Либия дар маъракаи интихоботӣ ба панҷ соли зиндон маҳкум кард.
Гуфта мешавад, ки адвокатҳо метавонанд барои озод кардани Президенти собиқ ба суди кассатсионӣ муроҷиат кунанд. Барои баррасии он ҳадди аққал ду моҳ ҷудо карда мешавад. Ҳамин тариқ, дар сурати қонеъ кардани дархост, Саркози метавонад пеш аз мавлуди католикӣ аз зиндон озод шавад. Тафтиши парванда соли 2012 пас аз нашри мақола дар нашрияи Mediapart оғоз ёфт, ки дар он 50 миллион евро аз ҷониби мақомоти Либия барои эҳтиёҷоти маъракаи президентии Саркози соли 2007 дода шудааст.
Дар соли 2016, соҳибкори франко-ливанӣ Зиёд Тақиддин гуфт, ки ду маротиба, дар охири соли 2006 ва аввали соли 2007 аз Либия ба вазорати корҳои дохилии Фаронса, ки он вақт Саркози роҳбарӣ мекард, ҷомадонҳоеро бо пули нақд ба маблағи панҷ миллион евро интиқол додааст. Ба гуфтаи ӯ, ӯ ду маротиба ба раиси маъмурияти Саркози Клод Геан ва як маротиба ба худи номзади президентӣ пул додааст.
Дар соли 2018, раҳбари собиқи Фаронса ба фасод, маблағгузории ғайриқонунии маъракаи интихоботӣ ва пинҳон кардани исрофкории маблағҳои давлатии Либия айбдор карда шуд. Моҳи ноябри соли 2020 Зиёд Тақиддин аз иттиҳомоташ нисбати Саркози даст кашида буд.
Николя Саркози зиндонӣ мешавад
Блоки рекламавӣ
