Муроҷиати Зеленский ба мардуми Украина

“Украина дар пеши интихоби хеле душвор истодааст. Ин яке аз лаҳзаҳои асосии таърихи мост” – гуфт Президент.
Ба таври мухтарсар муроҷиати вай пешкаш мешавад.
“Ҳоло яке аз лаҳзаҳои душвортарини таърихи мост. Украина пешорӯи интихоби хеле душвор истодааст: Ё аз даст додани шаъну шараф ё хатари аз даст додани шарики калидӣ. Ё қабули 28 нуктаи мураккаб ё зимистони хеле вазнин. Аз мо талаб карда мешавад, ки ба касе, ки ду бор ҳамла кардааст, бовар кунем ва интизори посух бошем. Мо ором хоҳем буд, аммо бо ИМА ва шарикон зуд кор хоҳем кард — ва ба ҷониби дигар далеле намедиҳем, ки гуиё Украина сулҳро намехоҳад. Ман барои он мубориза мебарам, ки дар нақшаи сулҳ ду нукта — шаъну шараф ва озодии украиниҳо ба назар гирифта шаванд. Мо ҳама корро мекунем, то ҷанг хотима ёбад, аммо хотима наёбад Украина, Аврупо ва ҷомеаи ҷаҳонӣ. Мо тақрибан чор сол боз яке аз бузургтарин артиши ҷаҳонро бозмедорем. Мардуми мо мехоҳанд, ки ҷанг хотима ёбад. Мо пӯлод ҳастем, аммо ҳатто металлҳои қавитарин ҳам ба он тоб оварда наметавонанд. Дар рӯзи аввали ҷанг душман пушти моро надид. Ин шаъну шараф аст. Ин озодӣ аст. Бадтарин чиз барои Руссия ягонагии украиниҳо аст. Ҳоло мо ба он аз ҳарвақта бештар барои ҷаҳони арзанда ниёз дорем. Мардум, шаҳрвандон, сиёсатмадорон-мо бояд ҷамъ шавем, ғайбат ва бозиҳои сиёсиро қатъ кунем. Ба ман осонтар мешавад, ки сулҳи арзандаро ба даст орам, зеро медонам, ки мардуми Украина аз паси ман ҳастанд.
Ҳафтаи оянда душвор хоҳад буд. Фишори зиёд барои ҷанҷол кардани мо хоҳад буд. Душман ҳама чизро мекунад, то мо муваффақ нашавем. Мо ҳақ надорем, ки ин корро кунем. Мо бояд дар дохили Украина барои сулҳ, шаъну шараф ва озодии худ муттаҳид бошем. Ман боварӣ дорам ва медонам, ки ман танҳо нестам”.