Моҳвора бо мушу пашшаҳо ба Замин баргашт

Пас аз сӣ рӯз дар мадори моҳвораи “Бион-М” 75 муш, 1500 муши дрозофил ва бисёр биоматериалҳо ба назди олимон баргаштанд, ки ба саволҳо дар бораи таъсири радиатсия ба бофтаҳои зинда ҷавоб медиҳанд.
Дар Вилояти Оренбург 19 сентябр, соати 11 субҳ бо вақти Маскав, дастгоҳи моҳвораи Бион-м no 2 фуруд омад. Дар ин бора дар корпорасияи давлатии “Роскосмос”хабар доданд.
Едовар мешавем, ки киштии кайҳонӣ 20 августи соли 2025 ба мадор фиристода шуда буд. Дар дохили он таҷрибаҳои муҳими биологӣ гузошта шуда буд. Аз ҷумла 75 муш, тақрибан 1,5 ҳазор муши дрозофил, ҳуҷайраҳои парваришшавандаи инсон, растаниҳо, замбӯруғҳо, микроорганизмҳо, бактерияҳо.
Мақсади асосии ин таҷриба омӯзиши он буд, ки чӣ гуна организмҳои зинда дар моҳвора парвози якмоҳаро дар кайҳон мегузаронанд. Ин дастгоҳ дар мадори қутбӣ буд, ки сатҳи радиатсияи он нисбат ба истгоҳи байналмилалии кайҳонӣ 30% баландтар аст. Дар оянда натиҷаҳои озмоиш барои фаҳмидани таъсири радиатсияи кайҳонӣ ба ҳуҷайраҳои зинда кӯмак хоҳанд кард. Ин маълумот барои азхудкунии минбаъдаи кайҳон ва ташкили парвозҳо берун аз магнитосфераи Замин зарур аст.
Ин лоиҳаи муштараки Корпорасияи давлатии “Роскосмос”, Академияи илмҳои Русия ва Институти тиббӣ-биологии Академияи илмҳои Руссия аст. Мутахассисони институт дар ҷои фуруд аввалин тадқиқоти пас аз парвозро анҷом медиҳанд, ки пас аз он ҳамаи ҳайвонот ва ҳама мавод барои омӯзиши минбаъда ба озмоишгоҳ баргардонида мешаванд.
Ба омӯзиши ҳуҷайраҳои инсон диққати махсус дода мешавад.