Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Хатлон наздики 2 тонна маводҳои доруворӣ молҳои тиббӣ ва ороишию гигиениро бо таври сӯзонидан нобуд кард.
Бояд гуфт, ки дар маҷмуъ 1 ҳазору 811 кг маводҳои доруворӣ, молҳои тиббӣ ва ороишию гигиенӣ ба маблағи 134 ҳазору 540 сомонӣ, ки муҳлати истифодаашон гузашта буд нест карда шуданд.
Аз ин 1371 кг маводҳои доруворию молҳои тиббӣ ва 440 кг маводҳои ороишию гигиенӣ, ки муҳлати истифодаашон гузашта буд, соҳибони дорухонаҳою ширкатҳои фармасевтӣ ва соҳибкорон тариқи мактуб барои несту нобудсозӣ ба Сарраёсати хадамоти назорати давлатии тандурустӣ ва ҳифзи иҷтимоии аҳолӣ пешниҳод карда шуданд.
Бояд гуфт, ки ширкатҳои фармасевтӣ ва соҳибкорон масъулияти баланд ҳис карда маводҳои доруворӣ, молҳои тиббӣ ва ороишию гигиение, ки муҳлати истифодаашон мегузарад, аз муомилот бардошта барои несту нобуд кардан ба Сарраёсати Хадамоти назорати давлатии тандурстӣ ва ҳифзи иҷтимоии аҳолӣ пешниҳод мекунанд.
Роҳбарият ва мутхассисони сарраёсат дар ин замина ҳамеша бо соҳибкорон ва ширкатҳои фармасевтӣ корҳои фаҳмондадиҳӣ гузаронида, ҳуқуқ, масъулият ва муҳимияти воридот, нигоҳдорӣ, ба муомилот баровардани маводҳои дорувориро бо онҳо баррасӣ мекунанд.
Маводи бесифати доруворӣ ва ороишию гигиенӣ сӯзонида шуд
Блоки рекламавӣ
