12-уми декабри соли 2025 ронандаи автомашинаи тамғаи «Тайота Раф 4», Мансур Шуҳрат Ҳайдарзода, соли таваллудаш 1978, сокини шаҳри Истаравшан, ҳангоми ҳаракат дар шоҳроҳи «Душанбе-Хуҷанд-Чаноқ» дар ҳудуди деҳаи Лакати шаҳри Истаравшан аз уҳдаи идораи автомашина набаромада, ба муқобили роҳ баромада, ба автомашинаи тамғаи «Опел-Астра», таҳти идораи Зоирзода Умед Илҳом, соли таваллудаш 1996, сокини ноҳияи Зафаробод, бархӯрдааст.
Дар натиҷа, мусофири автомашинаи тамғаи «Опел-Астра», Муъминова Музафара Бекмуродовна, соли таваллудаш 1965, сокини ноҳияи Зафаробод, ҷароҳатҳои ҷисмонӣ бардошта, дар ҷойи ҳодиса ба ҳалокат расидааст.
Оид ба ин ҳодиса таҳқиқот идома дорад.
Блоки рекламавӣ
