Маҷористон ба Украина ишора мекунад вале…

Киев ҳама гуна кӯшиши пайваст кардани Украинаро ба кӯшиши таркиш дар наздикии лӯлаи гази “Маҷрои Туркия” дар Сербия рад мекунад. Дар ин бора намояндаи вазорати корҳои хориҷии Украина Георгий Тихий изҳор дошт: “Украина ба ин ҳеҷ иртиботе надорад. Эҳтимол, ин амалиёти Русия дар зери парчами бардурӯғ дар доираи масъалаи дахолати Маскав ба интихобот дар Маҷористон бошад”, – изҳор дошт ӯ.
Вазири умури хориҷии Маҷористон Петер Сийярто пас аз ҷаласаи амниятӣ, ки аз ҷониби сарвазир Виктор Орбан даъват шуда буд, изҳор дошт, ки Аврупо ба бӯҳрони ҷиддии энергетикӣ, ки пеш аз ҳама аз ҷангҳо дар Эрон ва Украина ба вуҷуд омадааст, наздик мешавад. Дар ин ҳолат ашёи хоми бештар лозим аст. Дар ҳоле ки Киев ба гуфтаи Сийярто, “кӯшиш мекунад, ки интиқоли нафт ва гази табииро ба Аврупо қатъ кунад”. Вай илова кард, ки қаблан украинҳо лӯлаи гази “Маҷрои Шимолӣ” – ро тарконида буданд, аммо муддати тӯлонӣ изҳор доштанд, ки ин корро русҳо кардаанд. Ба ақидаи ӯ, дар сад метр дуртар аз лӯлаи гази “ҷараёни Балкан”, ки ин қисми “Маҷрои Туркия” асту тавассути он Маҷористон гази Русияро мегирад, ҳодиса рух додааст. Ба гуфтаи Вучич, ӯ дар бораи ҳодисаи таркиш Сарвазири Маҷористон Виктор Орбанро хабар дода буд.