Консертҳои Ҷенифер Лопес, ки дар аввали моҳи август дар Тошканд, Остона ва Алмаато баргузор шуданд, рушди сайеҳӣ, соҳаи меҳмонхона, тиҷорати тарабхонаро ҳавасманд карданд ва буҷаи ин шаҳрҳоро бо даромади назарраси андоз пур карданд.
7 август консерти Лопес дар Тошканд дар варзишгоҳи “Миллий” тақрибан 31,1 ҳазор нафар, аз ҷумла кормандони хидматрасониро, ки 25 ҳазор нафари онҳо чипта харидаанд, ҷамъ овард, менависад “Газета.uz” бо истинод ба Фонди рушди фарҳанг ва санъати Ӯзбекистон. Дар айни замон, 67% чиптаҳоро хориҷиён хариданд, ки дар байни онҳо меҳмонон аз Руссия (тақрибан 8,9 ҳазор), Қазоқистон (2,5 ҳазор) ва дигар кишварҳо буданд. Нархи чиптаҳо аз 1 то 4,2 миллион сӯм фарқ мекард, ки даромади эҳтимолии аз 25 то 105 миллиард сӯм (тақрибан аз 1,97 миллион то 8,28 миллион доллар) – ро таъмин мекард.Тибқи маълумоти Фонд, консерт ба афзоиши даромади андоз дар пойтахти Ӯзбекистон ба маблағи беш аз 42,5 миллиард сӯм (тақрибан 3,3 миллион доллар) ва афзоиши меҳмонон дар меҳмонхонаҳо 25,7% мусоидат кард. Ба Ӯзбекистон беш аз 15,3 ҳазор сайёҳ, аз ҷумла аз ИМА ва кишварҳои Аврупо омаданд. Бисёре аз хориҷиён бастаҳои сайеҳиро барои 4-6 рӯз харида, сафари худро ба Ӯзбекистон махсус барои консерти Лопес ба нақша гирифтанд. “Омадани шумораи зиёди меҳмонон таъсири назарраси чорабиниро ба рушди сайеҳӣ нишон медиҳад” – гуфтаанд муаллифони сюжет дар бораи консерт дар шабакаи Телевизионии Ozbekiston 24. Барои роҳати меҳмонон шаттлҳои ройгон ташкил карда шуданд ва чораҳои амниятӣ тақвият дода шуданд. Дар омодагӣ ва баргузории намоиш 115 ташкилот иштирок карда, 18 фуд-корт ва нуқтаҳои савдо кор мекарданд. Дар рӯзи консерт ҷараени мусофирон дар хатти метрои Чиланзар 16,5 ҳазор нафар афзуд.
