Локомотивҳо, моҳвораҳо ва чипҳо

Натиҷаи сафари президенти Қазоқистон ба Амрико
Президенти Қазоқистон Касим-Ҷомарт Токаев дар ҷараени сафари кории худ ба Ню-Йорк бо бисёр соҳибкорони амрикоӣ вохӯрд ва бо ҳамкораш Доналд Трамп гуфтугӯ кард.
Созишномаҳои тиҷоратӣ, лоиҳаҳои истихроҷи нафт баррасӣ шуданд. Баъзе аз аҳдҳои дар вақти сафар басташуда ҳамчун “пешравӣ” эълон карда шуданд.
“Ман танҳо сӯҳбати олиҷаноберо бо Президенти Қазоқистон Қосим-Ҷомарт Токаев ба анҷом расонидам. Мо бузургтарин созишномаи хариди таҷҳизоти роҳи оҳан — локомотивҳо ва таҷҳизоти роҳи оҳанро ба маблағи 4 миллиард доллар имзо кардем” – гуфт Президенти ИМА Доналд Трамп рӯзи 22 сентябр дар шабакаи иҷтимоии худ Truth Social.
Вазири савдои Иёлоти Муттаҳида Говард Латник (Howard Lutnick) ҳам аз ин созишнома бо хушнудӣ изҳори назар кард. Ба гуфтаи вай, локомотивҳо барои рушди долони нақлиётӣ тавассути Аврупо ва Осиё истифода мешаванд.
“Сухан дар бораи навовариҳои амрикоӣ меравад, ки ҳазорон ҷойҳои корӣ дар Техас ва Пенсилвания, таҳкими шарикии ИМА ва Қазоқистонро дарбар мегирад”, — навиштааст Вазири савдо дар шабакаи иҷтимоӣ.
Вай ягон ҷузъиёти дигари созишномаро пешниҳод накард. Аммо “Фарғона” мушаххас кард, ки шартнома бо ширкати амрикоии Wabtec ( қароргоҳаш дар иёлоти Пенсилвания) баста шудааст. Маблағи умумии созишнома 4,2 миллиард долларро ташкил медиҳад.