“Адиби маъруфи кӯдакон, ношире, ки барои атфоли тоҷик наздик ба 2 миллион нусха китоб нашр кардааст, устоде, ки даҳҳо истеъдодро парвардааст, устод Латофат Кенҷаева бо унвони баланди Шоири халқии Тоҷикистон сарфароз шуданд.
Унвон муборак муаллимаи азиз! Шумо мардумитарин, арзандатарин ва беҳтарин Шоири халқии Тоҷикистон ҳастед!” – навиштааст рӯзноманигори соҳибноми тоҷик Одили Нозир дар саҳифаи шахсии худаш дар Фесбук. Воқеан ному насаби Латофат Кенҷаева ба ҳар як хонандаи маҷаллаи маъруфи “Машъал” ошно аст ва солиёни зиёд аст, ки муаллимаи азиз барои рушди адабиёти кӯдаконаи мо монда нашуда, хидмат менамоянд. Ин қадршиносиро ба муаллимаи гиромӣ таҳният мегӯем!
Блоки рекламавӣ
