Дар доираи омодагӣ ба қисми ниҳоии Ҷоми ҷаҳон-2025 оид ба футбол, дастаи мунтахаби наврасони то 17-солаи Тоҷикистон дуюмин бозии санҷишии худро дар машқҳои дастаҷамъӣ дар шаҳри Дубай анҷом дод.
Дастаи Тоҷикистон бо ҳамтоёни худ аз Кореяи Ҷанубӣ бозии санҷишӣ доир намуданд. Бозӣ бо ҳисоби 5:0 бо пирӯзии Кореяи Ҷанубӣ ба анҷом расид.
30 октябр дастаи мунтахаби Тоҷикистон бо ҳамтоёни худ аз Мексика бозии дӯстон анҷом медиҳад.
Дар Ҷоми ҷаҳон-2025 мунтахаби наврасони Тоҷикистон дар гурӯҳи «I» бо дастаҳои Чехия (5 ноябр), ИМА (8 ноябр) ва Буркина Фасо (11 ноябр) бозӣ мекунад.
Блоки рекламавӣ
